Голландийә уйғурлар вә тибәтләр бирликтә хитайға қарши намайиш елип барди


2008-03-18
Share

18 ‏- Март күни голландийиниң амистердам шәһиридә тибәт вә уйғурларниң бирликтә иштирак қилиши билән хитай һөкүмитиниң тибәт районида елип бериватқан қирғинчилиқини әйибләйдиған дағдуғилиқ намайиш елип берилди. Намайишқа тибәт вә уйғурлардин сирт йәнә бир қисим голландийилик кишиләрму қатнашқан.

Бугүнки намайишни тәшкиллигүчиләрниң бири болған голландийә уйғур җәмийитиниң муавин рәиси ғәйрәт рузи намайишниң тәпсилати һәққидә тохтилип мундақ дәйду.

Голландийә һөкүмити хитай һөкүмитиниң тибәт районида елип бериватқан зораванлиқиға қарита әң күчлүк инкас қайтурған ғәрб дөләтлириниң бири болуп, голландийә уйғур җәмийитиниң рәиси мурат алмас әпәндиниң билдүрүшчә, голландийә һөкүмити хитайниң голландийидә турушлуқ баш әлчисини чақиртип өзлириниң наразилиқини билдүргән. (ялқун)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт