Gollandiyide Uyghur medeniyet küni ötküzüldi (1)

22 - Aprél gollandiyining almir shehiride Uyghur medeniyet küni ötküzülgen bolup, bu pa'aliyetni gollandiye almir sheherlik pa'aliyet uyushturush merkizi awanti bilen gollandiye Uyghurlarni himaye qilish jem'iyiti birliship uyushturghan iken.
Muxbirimiz irade
2009-04-27
Share
Gollandiyide-Uyghur-kuni-305 22 - Aprél gollandiyining almir shehiride ötküzülgen uyghur medeniyet künidiki teyyarlanghan taamlar we paaliyet jeryanidin körünüshler.
RFA Photo / Irade

Biz bu pa'aliyet heqqide gollandiye Uyghurlarni himaye qilish jem'iyitining bashliqi gheyretjan ependim we gollandiye almir sheherlik pa'aliyet uyushturush merkizidin koletté fabir xanim bilen söhbet élip barduq.

Koletti fabir xanim bu medeniyet - sen'et pa'aliyitini körgendin kéyin özining Uyghurlar heqqide nurghun nersilerni ögen'genlikini éytip mundaq dédi: "Uyghurlar intayin edeplik, bashqilarni intayin hörmet qilidighan xelq iken. Men burun Uyghurlar toghrisida jiq nerse bilmeyttim. Lékin bu pa'aliyetni uyushturush jeryanida Uyghurlarning tarixi, yémek - ichmekliri, ularning hazir xitay zulumi astida ikenlikige da'ir jiq nersilerni ögendim. Manga oxshash pa'aliyetke qatnashqan nurghun kishilermu Uyghurlar heqqide jiq nerse bilmeytti. Ular hetta anglapmu baqmighan. Lékin shu kündiki pa'aliyette ular Uyghurlar heqqide nurghun nersilerni ögendi, Uyghurlarni bildi. Ularning medeniyiti bilen tonushti."
 
Koletté xanim pa'aliyet qatnashquchilirining sen'et nomurlirini qiziqip körgenlikini we bu xil pa'aliyetlerni uyushturushtiki meqsiti üstide toxtilip mundaq dédi: "bu sen'et nomurliri intayin yaxshi idi. Hemmimiz intayin qiziqip körduq. Hemmimiz Uyghur muzikilirini intayin diqqet bilen angliduq. Bizning asasi meqsitimiz kishilerge bu medeniyetni tonushturush, bilmigen'ge bildürüsh idi. Bezi kishilerde xata chüshenchiler bar. Biz bu xil pa'aliyetler arqiliq mana bu xil xata chüshenchilerni yoqitishni, Uyghurlarning mana mushundaq güzel alahidiliklirini, medeniyitini, sen'itini tonushturushni meqset qilduq."
 
Qedirlik oqurmenler, siler yuqirida gollandiyide ötküzülgen Uyghur medeniyet - ‏sen'et küni heqqidiki söhbet programmisi bilen tonushtunglar.

Yuqiridiki awaz ulinishidin, bu heqtiki melumatimizning tepsilatini anglaysiler.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet