Teywendiki gomindangning birlikke keltürüsh dégenni teywenleshtürüshke özgertkenliki toghrisida mutexessislerning mulahizisi


2007-05-25
Share

Asiya waqit géziti, b b s qatarliq birnechche xelq'araliq uchur wastiliri bügün teywendiki gomindang partiyisi özining nizamnamisigha tüzitish kirgüzüp 'wetenni birlikke keltürüsh' dégenni 'teywenleshtürüsh' dep özgertkenlikini xewer qildi.

Hazir teywende turuwatqan chingyün uniwérsitétining proféssori doktor erkin ekrem we erkin asiya radi'osining obzorchisi lin bawxu'a ependiler téléfon ziyaritimizni qobul qilip, bu heqte mulahize élan qildi.

Teywendiki gomindangchilarning ichide exlaqiy jehette özgirish boluwatidu

Teywendiki chingyün uniwérsitéti ottura asiya institutining tetqiqatchisi doktor erkin ekrem ependining bayan qilishiche, yéqinda teywendiki gomindangchilarning ichide exlaqiy jehette özgirish boluwatidu.

Emma gomindangning partiye nizamnamisigha özgertish kirgüzüp 'birlikke keltürüsh' dégenni 'teywenleshtürüsh'ge özgertishi, bu yene bir nechche aydin kéyin gomindangning qurultiyida maqullinishi kérek, buni kütüp turushqa toghra kélidu.

Gomindang özining partiye nizamnamisini özgertse, bu bir xil ilgirilesh bolidu

Hazir teywende turuwatqan siyasiy mulahizichi lin bawxu'a ependining qarishiche, eger gominidangchilar, xuddi bügünki xewerlerde bayan qilin'ghandek 'birlikke keltürüsh' dégenni 'teywenleshtürüsh'ge özgertse, bu bir xil ilgirilesh bolidu, chong quruqluqtiki xitay kommunist partiyisige sélishturghanda bir xil ilgirilesh bolidu.

Emma emma gomindang teywende yalghan gepni bek köp qilghan, bu belkim yenila kéler yilidiki saylam üchün qiliniwatqan gep bolushimu mumkin.

Gomindang teywende yalghan gepni bek köp qilghan, teywen xelqi ularning gépige asanliqche ishenmeydu

Lin bawxu'a ependining bayan qilishiche, gomindang chong quruqluqta 29 yil hakimiyet béshida turghan idi, chong quruqluqta meghlup bolup 1949‏- yili teywen'ge qéchip kelgili 58 yil bolup qaldi. Gomindangchilar mushu waqitqiche teywen arilining namini étirap qilmay kéliwatidu.

Gerche qolidin kelmisimu, yenila nenjingnila eslep turuwatidu. Bu bir ghelite ish. Emdi 'teywen' dégen emeliy dölet namini étirap qilsa, bu yenila bir ilgirilesh bolidu. Emma gomindang yalghan gepni bek köp qilghan, shunga teywen xelqi ularning gépige asanliqche ishenmeydu.

Teywen xelqi ikki mesile arqiliq gomindangchilarning niyitining yamanliqini éniq biliwaldi

Lin bawxu'a ependining bayan qilishiche, buningdin burun li déngxuy ependi gomindangning re'isi bolup turghanda 'teywenleshtürüsh'ni otturigha qoyghan idi, gomindang uni partiyidin chiqiriwetti.

Hazirqi ehwalgha qaraydighan bolsaq, buyil teywenning xamchot layihisi téxiche maqullanmidi. Gomindangchilar teywenning parlamintida köp sanliqni teshkil qilidu, eger ular qoshulsa, teywenni söyse, teywen xelqining turmushi we tereqqiyatigha zich munasiwetlik bolghan bu xamchot layihisi maqullinip kétetti, bu bir mesile.

Yene bir mesile, teywenning parlamintida amérikidin qoral sétiwélip teywenning bixeterlikini qoghdash layihisimu maqullanmay turuwatidu. Gomindangchilar bu layihini 70 nechche qétim ret qildi. Eger chong quruqluqtiki kommunist hökümiti teywen'ge hujum qilsa, teywenni bésiwalsa meylimiken? teywen xelqi hazir bu mesililer arqiliq gomindangchilarning niyitining yamanliqini éniq biliwaldi.

Eger gomindangchilarning hazirqi gépi ras bolsa, uni emelde körsetsün

Lin bawxu'a ependining bayan qilishiche, 2004 ‏- yilidiki prézidént saylimida gomindangning re'isi lyenjen ependi 'biz teywenni söyimiz' , 'teywenning musteqilliqini hémaye qilimiz' dep teywenning tupriqini söygen idi, saylamda meghlup bolghandin kéyinla chong quruqluqqa bérip, sériq padishahning qebrisini ziyaret qildi, nenjingning topisini söydi, teywende démokratiyini teshebbus qilghuchilarni 'bölgünchi' , 'musteqilchi' dep tillidi.

Teywen xelqi gomindangchilarning gépige asanliqche ishinip ketmeydu. Eger gépi ras bolsa, gomindang qilghan gépini emelde körsetsün. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet