Гүәнтанамодики 17 уйғурни америкиға қоюп бериштики талаш - тартишлар һәққидә адвокат нури түркәл билән сөһбәт

Америка президенти барак обама америкиниң кубадики гуәнтанамо һәрбий түрмисини тақашни җакарлап болди. Әмма бу түрмидә һазирға қәдәр йәнә 240 адәм тутуп турулуватиду. Буниң ичидә 2002 ‏- йилидин буян тутуп турулуватқан 17 нәпәр уйғур бар.
Мухбиримиз вәли
2009-05-19
Share
Nury-Turkel-305.jpg Америка уйғур бирләшмисиниң сабиқ рәиси, адвокат нури түркәл әпәнди.
RFA Photo / Eqide

Бу уйғурларни қоюп бериш һәққидә америка федирал сотчисиму бултур 10 - айдила буйруқ чүшүргән иди. Әмма бу мәсилә та һазирғичә һәл болмайватиду . Буниңға болуватқан тосқунлуқ зади қандақ мәсилә? бу мәсилиниң кәлгүсидә һәл қилиниши қандақ болиду? бу һәқтә вашингтондики адвокат нури түркәл әпәнди соаллиримизға җаваб бәрди.

17 Нәпәр уйғурни қоюп бериш мәсилиси һәл болмай келиватқанлиқиниң сәвәби икки

Вашингтондики адвокат нури түркәл әпәндиниң қаришичә, гуәнтанамодики 17 нәпәр уйғурни қоюп бериш мәсилиси техичә һәл болмай келиватқанлиқиниң сәвәби икки, бири хәлқарадики сәвәб, йәнә бир дөләт ичидики сәвәб.

Уйғур мәсилиси америка хәлқиғә техиму яхши чүшәндүрүлиши керәк

Вашингтондики адвокат нури түркәл әпәндиниң қаришичә, уйғур мәсилиси, гуәнтанамодики уйғурларниң мәсилиси америка хәлққиғә техиму яхши чүшәндүрүлсила, бу арқилиқ уларниң көз қаришини өзгәрткили вә қизғин һемайисигә еришкили болиду.

Гуәнтанамодики уйғурларниң мәсилиси америкиниң мәсилиси

Вашингтондики адвокат нури түркәл әпәндиниң қаришичә, гуәнтанамодики уйғурларниң мәсилиси америкиниң мәсилиси, уни пәқәт америка өзи һәл қилиши керәк. Бу мәсилисдә хитайниң бесимиға тақабил торалайдиған дөләтму пәқәт америка.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт