Güentanamodiki 17 Uyghurni amérikigha qoyup bérishtiki talash - tartishlar heqqide adwokat nuri türkel bilen söhbet
Amérika prézidénti barak obama amérikining kubadiki gu'entanamo herbiy türmisini taqashni jakarlap boldi. Emma bu türmide hazirgha qeder yene 240 adem tutup turuluwatidu. Buning ichide 2002 - yilidin buyan tutup turuluwatqan 17 neper Uyghur bar.
Muxbirimiz weli
2009.05.19
Bu Uyghurlarni qoyup bérish heqqide amérika fédiral sotchisimu bultur 10 - aydila buyruq chüshürgen idi. Emma bu mesile ta hazirghiche hel bolmaywatidu . Buninggha boluwatqan tosqunluq zadi qandaq mesile? bu mesilining kelgüside hel qilinishi qandaq bolidu? bu heqte washin'gtondiki adwokat nuri türkel ependi so'allirimizgha jawab berdi.
17 Neper Uyghurni qoyup bérish mesilisi hel bolmay kéliwatqanliqining sewebi ikki
Washin'gtondiki adwokat nuri türkel ependining qarishiche, gu'entanamodiki 17 neper Uyghurni qoyup bérish mesilisi téxiche hel bolmay kéliwatqanliqining sewebi ikki, biri xelq'aradiki seweb, yene bir dölet ichidiki seweb.
Uyghur mesilisi amérika xelqighe téximu yaxshi chüshendürülishi kérek
Washin'gtondiki adwokat nuri türkel ependining qarishiche, Uyghur mesilisi, gu'entanamodiki Uyghurlarning mesilisi amérika xelqqighe téximu yaxshi chüshendürülsila, bu arqiliq ularning köz qarishini özgertkili we qizghin hémayisige érishkili bolidu.
Gu'entanamodiki Uyghurlarning mesilisi amérikining mesilisi
Washin'gtondiki adwokat nuri türkel ependining qarishiche, gu'entanamodiki Uyghurlarning mesilisi amérikining mesilisi, uni peqet amérika özi hel qilishi kérek. Bu mesilisde xitayning bésimigha taqabil toralaydighan döletmu peqet amérika.