Démokratlarning amérika palatasida köp sanliqni igilishi gu'antanamodiki mehbuslarning teqdirige qandaq tesir körsitidu?
2006.11.15
Prézidént bush hökümiti teripidin amérika dölet mejlisige sunulup, dölet mejlisidiki jumhuriyetchi ezalarning qollishi bilen qobul qilin'ghan térror gumandarlirini sotlash üchün alahide herbiy sot qurush qanuni 17- öktebir küni prézidént bush teripidin imzalinip yolgha qoyulghan idi. Amérika dölet mejlsidiki démokratlar hemde amérika we xelq'ara kishilik hoquq teshkilatliri bu qanunni amérika asasiy qanunigha shundaqla xelq'ara jenwe kélishimige xilap dep körsetken.
Bu qanun gu'antanamoda tutup turuluwatqan mehbuslarni jümlidin bu türmide tutup turuluwatqan 17 neper Uyghur mehbusni, néme üchün tutup turuluwatqanliqini bilish, hökümet da'irilirini erz qilish, özini aqlash üchün adwokat tutush, a'ilisi bilen alaqe qilish qatarliq hoquqliridin mehrum qilip, hökümetke ularni xalighanche tutup turush salahiyiti bergen.
7- Noyabir küni amérikida élip bérilghan dölet mejlisi saylimida démokratlarning ghelibe qilip, amérika dölet mejlisining her ikki palatasida küp sanliqini igilishi, gu'antanamo herbiy türmiside tutup turuluwatqan 440 mehbusning adwokatlirining mezkur qanunni özgertish üchün heriketke ötüshige seweb boldi.
Adwokatlar, gu'antanamoda tutup turuluwatqan mehbuslarni néme üchün tutup turuluwatqanliqini éniqlash üchün adwokat tutush we a'ilisi bilen alaqe qurush hoquqlirigha ige qilish üchün, prézidént bush teripidin yolgha qoyulghan qanunini özgertish meqsidide jiddiy pa'aliye élip barmaqta. Ular amérika dölet mejlisining démokrat ezaliri bilen körüshüp, mezkur qanunni özgertishni dölet mejlisining kün tertipige kirgüzüsh üchün démokrat ezalarni qayil qilishqa tirishmaqta.
Amérikidiki Uyghur qanunshunas we gu'antanamodiki mehbuslar mesilsini yéqindin közitip kéliwatqan nuri türkel, prézidént bush teripidin yolgha qoyulghan qanunni özgertish toghrisida élip bériliwatqan pa'aliyetler üstide toxtaldi.
Munasiwetlik maqalilar
- Amérikidiki démokratchilar partiyisining utuqi amérika - xitay munasiwitide qandaq rol oynaydu ?
- Démokratlar dölet mejlisi awam palatasida köp sanliqni igilidi
- Amérikida dölet mejlisi saylimi
- Gu'entanamoda tutup turuluwatqan Uyghurlarning mesilsi sot mehkimiside
- Jurj bush chet'ellerde yoshurun türmilirining barliqini étirap qildi
- Amérika hökümiti gu'entanamo mesilisini bir terep qilish pozitsiyi'isini özgertti
- Shwétsiyide gu'antanamo türmisining taqilishini telep qilip namayish élip bérildi
- Besh musulmanning sergüzeshtisi (1)
- Albaniyidiki Uyghurlarning hazirqi ehwali heqqide söhbet
- Közetküchiler isma'il emetning gu'entanamodiki Uyghurlar heqqidiki sözlirige inkas qayturdi