Amérika awam palatasining sabiq bayanatchisi néwt génngrichning Uyghurlargha qaritilghan sözlirige reddiye

Gu'antanamodiki Uyghurlar mesilisi dawamliq talash - tartish qilinmaqta. Tünügün amérikidiki adwokat nuri türkelning tashqi siyaset zhornilida bir maqalisi élan qilin'ghan bolup, maqalining témisi "Uyghurlarni heqiqiy tonuyli."
Muxbirimiz irade
2009-05-21
Share
Nury-Turkel-305.jpg Amérika uyghur birleshmisining sabiq reisi, adwokat nuri türkel ependi.
RFA Photo / Eqide

Amérikida chiqidighan dangliq zhurnal bolghan tashqi siyaset zhurnilining bu ayliq sanida amérikidiki adwokat nuri türkelning "Uyghurlarni heqiqiy tonuyli" Mawzuluq obzori élan qilindi.

Bu obzor aldinqi hepte amérika awam palatasining sabiq bayanatchisi néwt génngrichning washingtonda chiqidighan tekshürgüchi gézitide élan qilin'ghan obzoridiki gu'antamodiki Uyghurlar üchün éytilghan sözlirige reddiye asasida yézilghan.

Néwt génngrich obzorida obama hökümitini agahlandurup 2002 - yilidin bashlap gu'antanamo türmiside tutup turuluwatqan 17 neper Uyghur amérika üchün xewp. Ular amérikida 11 - séntebir weqeside 3000 amérikiliqning ölümige sewep bolghan téroristlar teripidin terbiyilen'gen. Ular bu téroristlar bilen oxshash, bu Uyghurlargha amérika jem'iyitide orun yoq, dégen idi.

Adwokat nuri türkel obzorida bu sözlerge qattiq reddiye bergen bolup, u obzorini "néwt ginngrich méning milltimge til uzutishtin awal bu heqte melumat élishi kérek," dep bashlighan we uning bu sözlirining mes'uliyetsizche éytilghan we heqiqetke uyghun bolmighan sözler ikenlikini ipade qilghan.

Nuri türkelning bu obzori élan qilin'ghandin kéyin qizghin alqishqa érishken bolup, kishiler arisidimu ghul - ghule qozghighan. Biz nuri türkel ependi bilen bu obzorni chöridigen halda söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.



Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet