Teywendiki gomindang partiyisining re'isi xitay chong quruqluqini ziyaret qildi


2005-04-26
Share
LienChan0426.jpg
26-April küni, teywen gomindang rehbiri lyen jen ayali fang yü bilen nenjing ayrodorumigha yétip keldi. AFP

Teywendiki eng chong öktichiler guruhi gomindang partiyisining re'isi lyen jen, seyshenbe küni xitay chong quruqluqidiki ziyaret sepirining tunji békiti nenjingge yétip kélip, 1949 - yildin kéyin xitay chong quruqluqini ziyaret qilghan gomindang partiyisining tunji rehbiri bolup qaldi.

Lyen jen, seyshenbe küni nenjingde xitay da'irilirining tentenilik kütüwélishigha érishken. Emma u, nenjingge qarap yolgha chiqish aldida teybéy aydurumida lyen jenni qollighuchilar bilen uninggha qarshi turghuchilar otturisida toqunush yüz berdi. Uninggha qarshi turghuchilar lyen jenni teywen'ge xiyanet qilish bilen eyibligen.

Lyen jen: teybéy bilen nenjingning ariliqi yiraq emes

Lyen jen nenjing aydurumida söz qilip, gomindangning ikki qirghaq tinchliqini we muqimliqini ilgiri sürüsh yolida " rishte baghlaydighanliqini" jakarlidi. U, ziyaritining meqsitini " teywen boghuzi ikki qirghiqining jiddi munaswitini yumshitish," dep chüshendürgen. Teywen prézidénti chén shüybyen deslepki chaghlarda lyen jenning xitay chong quruqluqini ziyaret qilish pilanigha qarshi chiqqan. Emma u, yekshenbe küni pozitsiyisini yumshatti.

Lyen jen nenjingdiki bayanatida, " teybéy bilen nenjingning arliqi anchila yiraq emes déyishke bolidu, emma bayam men ayropilan qoniwatqanda bu yerge kélish üchün 60 yil kütüshke toghra kelgenlikini oylidim. Heqiqeten nahayiti uzun waqit ketti", dep tekitligen. Xitay kompartiyisi 1949 - yili hakimiyetni tartiwalghandin kéyin, gomindangning xitay chong quruqluqi bilen bolghan munasiwiti pütünley üzülgen.

Lyen jen: nenjingni jongxu'a min'goning paytexti

LienProtesters0426.jpg

Lyen jen, gomindangning nenjing shehiri bilen tarixiy we héssiyat baghlinishi barliqini bildürdi. Lyen jen mundaq deydu: " nenjing gomindang üchün alghanda tarixiy we héssiyat jehettin baghlan'ghan sheher. Tarixiy nuqtidin alghanda nenjing jongxwa min'go hökümitining paytexti, shundaqla partiye we dölet atisi sün jongsen ependi yatqan jay."

Birleshme axbarat agéntliqi, lyen jenning ziyaritini béyjing da'irilirining teywendiki démokratiye tereqqiyat partiyisige qarshi öktichilerni özige tartish herikiti, dep körsetti.

Lyen jen: chong quruqluqtiki sepirim ikki qirghaqning ortaq kélechikini yaritish

Lyen jen, men chong quruqluqtiki ziyaritini " bir tarixi qedem," dep teripligen. Lyen jenni xitay dölet kabintining tenwen ishlar ishxanisi mudiri chin yünlin qatarliqlar kütüwaldi. Lyen jen mundaq dédi: " bu qétimqi chong quruqluq sepirimiz, méningche ikki qirghaqning ortaq kélechikige munasiwetlik öz ara menpe'et yetküzüsh, hemkarlishish shundaqla tinchliq asasidiki kélechekni qandaq yaritish köpchilik bash qaturiwatqan mesile. Jonggo gomindangi buninggha oxshash tinchliq we muqimliq asasidiki ikki qirghaq munaswitini yaritish yolida rishte baghlashni xalaydu."

Amérika, teywen boghuzining hazirqi halitini özgertishke qarshi

LienProtestersBanner0426.jpg

Lyen jenning chong quruqluqtiki ziyaritini tenqid qilghuchilar, lyen jenni béyjing hökümitining uningdin paydilinip teywenliklerni ikki bölüshige yol qoyush bilen eyiplimekte. Emma teywenlikler musteqilliq élan qilish yaki teywenning hazirqi halitini saqlash mesiliside ikki bölün'gen.

Béyjing hökümitining teywen'ge qoral ishlitige qarshi turghan amérika, teywen boghuzining hazirqi halitini bir tereplimilik özgertish yolidiki her qandaq heriketke qoshulmaydighanliqini eskertip keldi. Amérika tashqi ishlar ministiri kondiliza rayis, bu yil 3 - ayda xitayni ziyaret qilghanda, béyjing da'irilirige amérikining yuqiriqi meydanini yene tekitligen.

Gomindang re'isi lyen jenning chong quruqluqtiki sepirige uning xanimi bilen birge gomindangning mu'awin re'isi jang bingkün, wu boshyong, lin dingjilar hemra boldi. Jangsu ölkisidiki da'iriler shu küni lyen jenning sheripige kütüwélish ziyapiti bergen. Lyen jen bashchiliqidiki gomindang ömiki chongquruqluqtiki shangxey, béyjing, shi'en qatarliq sheherlerni ziyaret qilidu.U, 29 - aprilda xitay dölet re'isi xu jingtaw bilen uchrushidiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet