Dr. Haji qutluq qadiri: 'ilham toxti Uyghur ziyaliyliri üchün yaxshi nemune'

Musteqil tetqiqatchi, béyjing merkiziy milletler uniwérsitéti oqutquchisi ilham toxtining radi'omizgha bergen bayanatliri, chet'eldiki Uyghurlar arisida qattiq ghulghula peyda qilghan idi.
Muxbirimiz erkin tarim
2009-03-19
Élxet
Pikir
Share
Print
10 - Ayning 20 - künidin 26 - künigiche enqerede 6 - nöwetlik xelqaraliq til qurultiyigha qatnashqan haji qutluq qadiri ependining muxbirimiz erkin tarimning ziyaritini qobul qiliwatqan körünüsh.
10 - Ayning 20 - künidin 26 - künigiche enqerede 6 - nöwetlik xelqaraliq til qurultiyigha qatnashqan haji qutluq qadiri ependining muxbirimiz erkin tarimning ziyaritini qobul qiliwatqan körünüsh.
RFA Photo / Erkin Tarim

Chet'eldiki Uyghur ziyaliylirining köpi ilham toxtining bu bayanatini qattiq alqishlidi. Yaponiye kagoshima uniwérsitéti oqutquchisi dr. Haji qutluq qadiri ependi weten ichide yashawatqan bir mutexessisning Uyghurlar uchrawatqan heqsizliqlarni dadilliq bilen otturigha qoyushining özini qattiq hayajanlandurghanliqini, uning köz qarashlirining köpige chin  yürikidin qoshulidighanliqini éytti.

Dr. Haji qutluq qadiri ependi yene, ilham toxtidek bir ziyaliyning "méni chaqmighan yilan ming yil yashisun" dep weten millet dawasi bilen kari bolmaywatqan Uyghur ziyaliyliri öginishke tégishlik yaxshi nemune ikenlikini, pütün Uyghur ziyaliylirining uni qollap quwwetlishi, alqishlishi kéreklikini, emma ilham toxti dégendek sherqiy türkistandiki heqsizliqlardiki pütün mes'uliyetni yerlik hökümettin izdeshning toghra emeslikini, xitay merkizi hökümitining sherqiy türkistanda ijra qiliniwatqan her mesilidin xewerdar ikenlikini eskertip ötti.

Bu heqte téximu tepsili melumat élish üchün dr. Haji qutluq qadiri ependi bilen téléfon ziyariti élip barduq.

Yuqiridiki awaz ulinishidin, dr. Haji qutluq qadiri ependi bilen ötküzgen bu heqtiki söhbitimizning tepsilatini anglaysiz.

Toluq bet