Пистә ‏бадамдин һашарчиға пистичилик нәп барму ?


2007-03-13
Share

BADAM.gif
Бадам вә униң меғизи. Йәкән наһийисидики һәр қайси йезилардики деһқанлар "пистә бадам базиси" бәрпа қилиш үчүн һәқсиз ишлимәктә.

Қәшқәр һөкүмәт тор бетидә -9 март күни елан қилинған "йәкәндики деһқанлар боз йәр ечип,орман бина қилиш долқунини юқири көтүрди" намлиқ хәвәрдә , -3 айниң -6 күнидин башлап йәкәнниң 29 йеза кәнтлиридин болуп 100миңдин артуқ деһқанниң , яқаериқ кәнтидә пистә бадам базиси қурулуши үчүн опчә әмгәккә қатннишиватқанлиқи көрситилгән.

Опчә әмгәк= һаша

Хәвәрдин мәлум болушичә , йәкән наһийилик һөкүмәт йәкәндә 100миң мо келидиған,хитай буйичә әң чоң пистә‏ бадам ишләпчиқириш базисиға айландурушни пиланлиған болуп, 100миңдин ошуқ уйғур деһқан нөвәттә,яқаериқ йезисини пистә бадам базисиға айландурулмақчи болған 8450 мо йеңи боз йәр ечиштин башқа , 68 келометир узунлуқта таш йол ясаш йәнә 68 километир узунлуқта орман бәлвеғи ясаш һәмдә 2400 метир өстәң вә 50000 дин артуқ тармақ ериқ өстәңләрни чепиш қатарлиқ әмгәк вәзипилирини орунлимақта икән.

Илгири хәвәр берип кәлгинимиздәк, уйғур елидә болупму қәшқәрдә һашар әмгики йәнила мәвҗут, шу сәвәблик биз йәкәндә башланған бу йүз миң кишилик кәң көләмлик әмгәкниң характери һәмдә әһмийити һәққидә тәпсилий мәлумат елиш үчүн йәкән йезилиридики мунасивәтлик орун һәмдә деһқанлардин әһвал игилинимиздә, яқаериқ кәнти тәвәсидики сайлиқта юқири долқун көтүргән бу кәң көләмлик әмгәкниң йәнила мәҗбурий һаша икәнлики ашкариланди. Йәкән наһийилик һөкүмәттин телефон зияритимизни қобул қилған бир катип гәрчә зияритимизни еһтиятчанлиқ билән қобул қилған болсиму , йәнила бу яқаериқ кәнтидики пистә бадам базисида башланған боз йәр ечишқа қатнишиватқан деһқанларға һәқ бәрмәйдиғанлиқини билдүрди:

"Бу һашаға чиқидиған аилә әмәс...."?

яқа ериқ йезилиқ һөкүмәтниң бир кадирниң өйигә уланған телифонимизни алған кадирниң аяли , йолдишиниң әмгәк болуватқан җайға кәткәнликини ейтип , бу қетимлиқ һаша һәққидә билидиғанлирини ейтти.

Пистә бадамдин деһқанға пистичилик пайда барму?

Биз йәкәндә йүз миңдин артуқ деһқанниң кәң көләмлик һашаға тутулғанлиқини билгәндин кейин , деһқанлардин бу һәқтә әһвал игиләшкә тириштуқ , йәкәнниң мәлум йезисидин зияритимизни қобул қилған исмини ашкарилашни халимиған бир деһқан киши , һөкүмәтниң деһқанларни яқа ериқниң сайлирида һашаға ишләшкә мәҗбурий елип кәткәнликини ейтип бәрди.

Йәкән қәшқәрниң әң чоң наһийилириниң бири болуп, деһқанчилиқ һәмдә бағвәнчиликни асас қилған 29 йезиси бар .Хитайниң ситатистикиси буйичә наһийиниң омумий нопуси 667 миңдин ашиду.

Бадам йәкән наһийисиниң бир миң үч йүз йилдин артуқ тарихқа игә йәрлик мәһсулати . Йәкәндин йилда 700 тоннидин көп бадам чиқиду. Хитай һөкүмити йәкәнни -1998 йили хитай буйичә әң чоң шундақла бирдин ‏- бир бадам ишләпчиқириш базиси дәп елан қилған иди. Йәкәнниң тәбий җуғрапийилик шараити тупрақ һәм су тәркиблири пистә бадам ишләпчиқиришқиму мас келидиған әвзәл шараитқа игә болғачқа , йәрлик даириләр-2006 йили йәнә бу җайда 100миң молуқ пистә бадам ишләпчиқириш базиси қурушни пиланлиған икән. Һөкүмәтниң пилани буйичә пистә бадам базиси қурулуп болғандин кейин пистә бадам пишшиқлап ишләш түрлири буйичә содигәр чақиридикән.

Гәрчә һөкүмәт бу түргә 300милйон йүән мәбләғ салған болсиму, әмма нөвәттә хитайниң пистә бадам базиси қуруш пиланиниң ишқа ешиши үчүн йәрлик уйғур деһқанлар бикарға мәҗбурий һашаға ишлимәктә. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт