Һаварайи өзгиришлири уйғур елидики хәлқләрниң турмуш һәм саламәтликигә еғир тәсир көрсәтти


2006-04-11
Share

Уйғур елидики һаварайдики нормалсизлиқлар април ейи адәттә уйғур елидә һава иллип турақлашқан ,чечәкләр ечилған баһар пәсли. Әмма -8априлдин буян, уйғур елиниң һава келиматида омумйүзлүк туюқсиз өзгиришләр көрүлүп,баһар күнлири бирақла зимистан қишқа айланди. Бәзи җайларда қар апәтлири йәнә бәзи җайларда қум боранлиқ һаварайи көрүлмәктә.

Уйғур елиниң метрологийә идарилириниң бәргән мәлуматлириға асасланғанда , үрүмчи , алтай, ғулҗа қатарлиқ шималий районларда һәмдә уйғур елиниң бәзи җәнуби етәклиридиму қар, ямғур йеғип, бу бир нәччә күндә һава келимати әң төвән болғанда 11 селсийә гирадус төвәнләйдикән.-10Април һәтта атуштиму һечқачан көрүлмигән мөлдүр апити йүз бәргән.

Һаварийниң җидди өзгүришиниң уйғур елидики кишиләргә болған тәсири

Һаварайи мәлуматлирида көрситилишичә ,баһарда йүз бәргән бу туюқсиз үшшүк чүшүш , сибирийиниң соғақ еқиминиң тәсиридин болған . Үрүмчиниң һаварайи температуриси-9април қар йеғиш билән тәң туюқсиз төвәнлигәчкә , нурғун кишиләр туюқсиз йүз бәргән һава өзгиришидин зукам, йөтәлгә охшаш кесәлләргә гириптар болған болуп , -10април күни бир күндила уйғур аптоном районлуқ хәлқ дохтурханиси җиддий кесәлләр бөлүмигә кәлгән бимарлар үч миңдин ешип кәткән.

Һаварайдики өзгүрүшниң елип бәлгән зиянлири

-9Априлдин башлап уйғур елиниң шимал һәмдә җәнуби районлирида йәнә қаттиқ қум‏- боран апити йүз бәргән. Қум‏- боран апити турпан, тоқсун районида һәммидин еғир болған болуп ,-12 әтрапида чиққан .Қаттиқ боранда тоқсунниң бостан йезисида бир өй өрүлүп бир адәмниң өлүшини, бир адәмниң ярилинишини кәлтүрүп чиқарған. Боранда нәччә миңлап йолучилар аптобуслири һәмдә аптомобиллар тосулуп қалған. Нурғун аптомобилларниң әйнәклири чеқилип кәткән.

Уйғур елиниң хәвәр тор бәтлиридә көрситилишичә, бу қум‏ - боран апити турпан, тоқсун районида 22йилдин буян көрүлгән әң қаттиқ боран һесаблинидикән. Боран чечәкләрни, бәзи мевә ғорилирини пүтүнләй төкүвәткән, зираәтләрниму кәң даиридә вәйран қилған , гәрчә һазирчә бу апәтниң қанчилик зиян кәлтүргәнлики һәққидә ениқ мәлумат болмисиму, әмма боранниң деһқанчилиқ, бағвәнчиликкә елип кәлгән зийининиң пәвқуладдә еғир болғанлиқи мөлчәрләнмәктә.

Һаварайдики өзгүришниң сәвәблири тоғрисида

Биз бу қум‏ - боранниң турпан, тоқсун деһқанлириға қандақ тәсирләрни елип кәлгәнлики һәққидә ениқ мәлумат елиш үчүн турпанниң мәлум бағвәнчилик йезисиға телефон қилдуқ.

Биз йәнә уйғур елидики метрологийә идарисидин уйғур елида йеқинқи күнләрдә йүз бәргән бу туюқсиз һава өзгиришлириниң қачанғичә давам қилидиғанлиқи, униң тәсирлири һәққидә мәлумат елишқа тиришқан болсақму, улар бизгә ениқ мәлумат беришни рәт қилди һәмдә"апәт өтүп кәтти"дәп билдүрди.

Уйғур елиниң мунасивәтлик даирилиридин игә болушимизға қариғанда, уйғур елидә омумйүзлүк йүз бериватқан бу пәвқуладдә ғәйри һава өзгиришлири йәнә бир нәччә күн давам қилиши мумкин икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт