ئۇيغۇر ئېلىدىكى بىرىنچى تۈركۈم ھەج ئۆمىكى يولغا چىقىشتىن بۇرۇن سىياسىي تەربىيە ئېلىپ بېرىلدى


2004-12-30
Share

بىز ئىلگىرىكى ئاڭلىتىشىمىزدا خىتاي ھۆكۈمىتى تەرىپىدىن تەشكىللەنگەن ئۇيغۇر ئېلىدىكى 1500 كىشىلىك ھەج ئۆمىكىنىڭ ھەج قىلىش ئۈچۈن مەككىگە قاراپ يولغا چىققانلىقى ھەققىدە مەلۇمات بەرگەن ئىدۇق.

گېرمانىيىدىكى شەرقىي تۈركىستان ئۇچۇر مەركىزى تەمىنلىگەن بۇ خەۋەردە كۆرسىتىلىشىچە، مەزكۈر ھەج ئۆمىكى يولغا چىقىشتىن بىر ھەپتە بۇرۇن خىتاي ھۆكۈمىتى ئاۋالقى يىللاردىكىگە ئوخشاشلا بارلىق ئەزالارنى ئۈرۈمچى يەر شارى مېھمانخانىسىغا يىغىپ، ئۇلارغا سىياسىي تەربىيە ئۈگىنىشى ئېلىپ بارغان. شۇنداقلا ھۆكۈمەت يەنە ئۆمەك ئەزالىرىنىڭ سەئۇدى ئەرەبىستاندىكى مەزگىلىدە بۆلگۈنچى تەشكىلاتلار بىلەن ئالاقە قۇرماسلىقى ۋە ئۇلارغا ئائىت ماتىرىياللارنى خىتايغا ئېلىپ كەلمەسلىكىنى ئەسكەرتىش بىلەن بىرگە، رۇخسەت قىلىنمىغان ئەھۋال ئاستىدا ئەزالارنىڭ يالغۇز پائالىيەت ئېلىپ بارماسلىقىنى ھەمدە ئۇلارنىڭ ئۆز-ئارا بىر بىرىنى نازارەت قىلىپ، غەيرى ھەرىكەت سېزىلگەن ھامان دەرھال پاش قىلىشى كېرەكلىكىنى تەلەپ قىلغان.

بۇ مۇناسىۋەت بىلەن دۇنيا ئۇيغۇر قۇرۇلتىيىنىڭ باياناتچىسى دىلشات رىشىت ئەپەندى خىتاي ھۆكۈمىتىنىڭ ئۇيغۇرلارغا قاراتقان دىنىي سىياسىتى ھەققىدە توختالدى.

مۇخبىرىمىز پەرىدەنىڭ بۇ ھەقتە تەييارلىغان پروگراممىسىنى يۇقىرىدىكى ئاۋاز ئۇلىنىشىدىن ئاڭلاڭ.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت