Uyghur élidiki birinchi türküm hej ömiki yolgha chiqishtin burun siyasiy terbiye élip bérildi

2004-12-30
Élxet
Pikir
Share
Print

Biz ilgiriki anglitishimizda xitay hökümiti teripidin teshkillen'gen Uyghur élidiki 1500 kishilik hej ömikining hej qilish üchün mekkige qarap yolgha chiqqanliqi heqqide melumat bergen iduq.

Gérmaniyidiki sherqiy türkistan uchur merkizi teminligen bu xewerde körsitilishiche, mezkür hej ömiki yolgha chiqishtin bir hepte burun xitay hökümiti awalqi yillardikige oxshashla barliq ezalarni ürümchi yer shari méhmanxanisigha yighip, ulargha siyasiy terbiye üginishi élip barghan. Shundaqla hökümet yene ömek ezalirining se'udi erebistandiki mezgilide bölgünchi teshkilatlar bilen alaqe qurmasliqi we ulargha a'it matiriyallarni xitaygha élip kelmeslikini eskertish bilen birge, ruxset qilinmighan ehwal astida ezalarning yalghuz pa'aliyet élip barmasliqini hemde ularning öz-ara bir birini nazaret qilip, gheyri heriket sézilgen haman derhal pash qilishi kéreklikini telep qilghan.

Bu munasiwet bilen dunya Uyghur qurultiyining bayanatchisi dilshat rishit ependi xitay hökümitining Uyghurlargha qaratqan diniy siyasiti heqqide toxtaldi.

Muxbirimiz peridening bu heqte teyyarlighan programmisini yuqiridiki awaz ulinishidin anglang.

Pikirler (0)
Share
Toluq bet