Отлуқ салам - сеғинишлиқ күйләр - һейт мубарәк!


2007-12-19
Share

Нағра - сонайлиқ һейт - айәм күйи. UAA Photo

Бүгүнкидәк қовм -қериндаш,әл юрт, дост ярәнләр җәм болидиған мубарәк һейт байрам күнлири, чәтәлләрдә һиҗрәттә яшаватқан уйғурлар үчүн болса бәкрәк муң басидиған сеғиниш, һиҗран отлири йәниму янидиған пәйтләрдур. Биз чәтәлләрдә яшаватқан уйғурларниң вәтәнгә қилған қурбан һейтлиқ, сеғинишлиқ отлуқ салими сүпитидә, америка вә явро - асия әллиридә яшаватқан бир қисим сәнәткарлиримизниң орунлишида, гүлчеһрә тәйярланған қурбан һейтлиқ сәнәт программимизни һәр қайсиңизларниң һозуриға сунимиз.

Қурбан һейтиңлар қутлуқ болсун!

Әссаламу әләйкум мөһтәрәм қериндашлар, қурбан һейтиңлар қутлуқ болсун! бүгүн әзиз чоңларниң дуалирини елип, һейтлиқлиримиз билән сәбиләрни хош қилсақ, мубарәк саламлар, отлуқ тиләкләр билән ярәнләрниң көңлини алидиған, бай дастиханға ярашқан бәдәшқанлар нәғмә нава, мушаирә,күлкә чақчақ билән ортақ шатлинип көңүлләрдин көңүлләр су ичидиған мубарәк байрам.

Гәрчә қурбан һейт хасийити билән чәт' ләрдә һиҗрәттә яшаватқан уйғурлар өз ана юртидики һәммә җәм болидиған мубарәк пәйтләргә ортақлишалмисиму уларниң көңли вәтән әлгә тәлпүнүп туриду. Болупму бүгүнкидәк һейт күнлиридә һәмминиң қоли көксидә силәргә отлуқ саламлар йоллайду, авал биз америкида яшаватқан уйғур сәнәткарлиримиздин султан мәһмәт әпәндиниң хушнаваси билән һейтлиқ сәһнимизни ачмақчимиз.

"Вәтән қошуқи"

Мәрһум күрәш көсән әпәндиниң отлуқ нахшилири қулақ түвимиздин кәтмәйду. RFA Photo

Илгири берилгән һейтлиқ мәхсус сәнәт программилиримизни әсләп өтсәк, от йүрәк вәтән оғли, талантлиқ сәнәткар, мәрһум күрәш көсән әпәндиниң отлуқ нахшилири қулақ түвимиздин кәтмәйду, мәрһумни сеғиниш билән биргә, вәтән әлниң кәлгүси бәхти үчүн һаятини атиған, арманлар билән кәткән шеһитләрни әсләп һәм чоңқур еһтирам билән салам дәңлар намлиқ бу өлмәс күйни радио долқунлиримизда силәргә атап қайта яңритимиз.

"Салам дәңлар"

Ана вәтән һәққидә сеғинишлиқ күйләр, һиҗрәттики уйғурларниң ортақ нахшиси, әл билән тәң байрам өткүзүш һәмминиң ортақ армини.

Ахирида, яркәнт булбуллириниң күйлирини яңритип, қурбан һейт мунасивити билән ихласмәнлиримизгә сунған сәнәт программимизни арқилиқ, һәммиңларға бай - баяшатчилиқ, хатирҗәмлик яр болушиға тиләкдашмиз. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт