Otluq salam - séghinishliq küyler - héyt mubarek!


2007-12-19
Share

Naghra - sonayliq héyt - ayem küyi. UAA Photo

Bügünkidek qowm -qérindash,el yurt, dost yarenler jem bolidighan mubarek héyt bayram künliri, chet'ellerde hijrette yashawatqan Uyghurlar üchün bolsa bekrek mung basidighan séghinish, hijran otliri yenimu yanidighan peytlerdur. Biz chet'ellerde yashawatqan Uyghurlarning weten'ge qilghan qurban héytliq, séghinishliq otluq salimi süpitide, amérika we yawro - asiya elliride yashawatqan bir qisim sen'etkarlirimizning orunlishida, gülchéhre teyyarlan'ghan qurban héytliq sen'et programmimizni her qaysingizlarning hozurigha sunimiz.

Qurban héytinglar qutluq bolsun!

Essalamu eleykum möhterem qérindashlar, qurban héytinglar qutluq bolsun! bügün eziz chonglarning du'alirini élip, héytliqlirimiz bilen sebilerni xosh qilsaq, mubarek salamlar, otluq tilekler bilen yarenlerning könglini alidighan, bay dastixan'gha yarashqan bedeshqanlar neghme nawa, musha'ire,külke chaqchaq bilen ortaq shatlinip köngüllerdin köngüller su ichidighan mubarek bayram.

Gerche qurban héyt xasiyiti bilen chet' lerde hijrette yashawatqan Uyghurlar öz ana yurtidiki hemme jem bolidighan mubarek peytlerge ortaqlishalmisimu ularning köngli weten elge telpünüp turidu. Bolupmu bügünkidek héyt künliride hemmining qoli kökside silerge otluq salamlar yollaydu, awal biz amérikida yashawatqan Uyghur sen'etkarlirimizdin sultan mehmet ependining xushnawasi bilen héytliq sehnimizni achmaqchimiz.

"Weten qoshuqi"

Merhum küresh kösen ependining otluq naxshiliri qulaq tüwimizdin ketmeydu. RFA Photo

Ilgiri bérilgen héytliq mexsus sen'et programmilirimizni eslep ötsek, ot yürek weten oghli, talantliq sen'etkar, merhum küresh kösen ependining otluq naxshiliri qulaq tüwimizdin ketmeydu, merhumni séghinish bilen birge, weten elning kelgüsi bexti üchün hayatini atighan, armanlar bilen ketken shéhitlerni eslep hem chongqur éhtiram bilen salam denglar namliq bu ölmes küyni radi'o dolqunlirimizda silerge atap qayta yangritimiz.

"Salam denglar"

Ana weten heqqide séghinishliq küyler, hijrettiki Uyghurlarning ortaq naxshisi, el bilen teng bayram ötküzüsh hemmining ortaq armini.

Axirida, yarkent bulbullirining küylirini yangritip, qurban héyt munasiwiti bilen ixlasmenlirimizge sun'ghan sen'et programmimizni arqiliq, hemminglargha bay - bayashatchiliq, xatirjemlik yar bolushigha tilekdashmiz. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet