" Nyu-york waqti" gézitining tetqiqatchisi xitay hökümiti teripidin qolgha élindi

Amérikida chiqidighan "nyu-york waqti géziti", gézitining tetqiqatchisi jaw yenning xitay hökümiti teripidin qolgha élin'ghanliqini ashkarilidi,gézit da'irlirining perez qilishiche, uning qolgha élinishi, "nyu-york waqti géziti"ning mushu ayning bashliri, jang zéminning xitay kompartiyisi 16 -qurultiyi 4 -omumiy yighinida, merkizi hökümet herbiy ishlar komititining re'islik wezipisidin istipa bérish teleplirige a'it mezmunda maqale élan qilghanliqi sewebidin meydan'gha kelgen iken.

Biraq xitay da'iriliri 9 - ayning 17 - küni,"nyu-york waqit géziti" tetqiqatchisi ja'o yenni qolgha élish sewepliri heqqide hichqandaq ipade bildürmidi.

"Nyu-york waqti géziti", 9 - ayning 7 - küni küzetküchilerning sözini neqil keltürüp, jang zéminning 4 - omummiy yighin mezgilide xitay merkiziy hökümiti herbiy ishlar komititining re'islikidin istipa bérip, wezipini merkizi hökümet bash sékritari xu jingtawgha ötküzüp béridighanliqini, shuning bilen 2002 - yili saylan'ghan yéngi rehberlikning wezipini pütünley tapshurup alidighanliqi heqqide mexsus maqale élan qilghan idi.

Bu arida amérika birleshme agéntliqi, jaw yenning a'ilisidikilerning xitay hökümiti'ining bir parche höjjitini qolgha chüshürgenlikini élan qildi, xitay hökümitining mezkür höjjitide" jaw yen, qanunsiz halda chet'elliklerni dölet mexpiyetliki bilen teminligen"- diyilgen bolup, jaw yenning dostlirining éytishiche, jaw yen qolgha élinishtin burun, xitay bixeterlik organliri teripidin qattiq tekshürüsh astigha élin'ghan, jaw yenning dostining tekitlishiche, ja'é yen hichqachan chet'elliklerni bu heqtiki matiriyallar bilen teminligen emes.

"Nyorik waqti géziti"ning bildürishiche, gerche xitay hökümiti, ja'o yenni qolgha alghanliqi heqqide hichqandaq ipade bildürmigen bolsimu, biraq ular ja'o yenning alliqachan qolgha élin'ghanliqidin xewer tapqan, " nyork waqti géziti"diki xadimlar xitay da'irliridin ja'o yennning qolgha élinish seweplirini sürüshte qilghan bolsimu biraq hichqandaq jawapqa érishelmigen.

" Nyu-york waqti géziti"ning tekitlishiche, jaw yenning, mezkür gézitning tetqiqatchisi bolghinigha aran 4 ay bolghan bolup, uning sewepsizla xitay teripidin qolgha élinishi gézit da'ilirini endishige salghan, nöwette gézit mes'ulliri aq saray we dölet ishliri kabintidin, jaw yenni qutuldurup chiqishni telep qilghan.

Jaw yen, eslide " xitay islahat " zhurnilining muxbiri bolup, u ilgiri xitay hökümet xadimlirining, dixanlarni basturush qilmishlirini ashkarlaydighan bir yürüsh maqalilarni élan qilghan iken.

Teywende chiqidighan" birleshme gézit " te éytilishiche, jang zéminning wezipisidin istipa béridighanliqi heqqidiki xewer tarqilip, xelq'arada ghul - ghula qozghilish bilen birge" nyu-york géziti"ning béyjingde turushluq tetqiqatchi muxbiri jaw yen, xitay hökümiti teripidin gumanliq nishan dep qaralghan.

" Birleshme gézit" ning neqil keltürüshiche,"nyu-york waqti géziti" jang zéminning texttin chüshüdighanliq xewirini ashkarilashtin sirt, yene jangzéminning boghaz raki késilige giriptar bolghanliqi hetta xitayning ali derijilik rehberliri 4 - omumi yighinning échilidighan yighin zalining yaxshi orunlashturulmighanliqidin narazi ikenlikige oxshash, inchike we ichki mesillerning ashkarlinishi, xitay da'irlirining jaw yendin gumanlinishini meydan'gha keltürgen.

Dimek, xitay hökümititi, jang zéminning istipa bérish heqqidiki xewerning aldin - ala dunyagha ashkarilinip qélish sewebini jaw yendin körgen.

Jaw yen, téxi bu yil 5 -ayda"nyu-york waqti géziti"ning béyjingda turushluq tetqiqatchisi we muxbiri bolghan idi. (Eqide)