Hör Uyghur balilar radi'osi

• Ixtiyari muxbirimiz abdusemetning bu heqtiki melumati
• Download story audio

Hör Uyghur radi'osi logosi

Chet'elde yashawatqan Uyghurlarning sanining köpiyishige egiship, ösüp yétiliwatqan perzentlirimizning Uyghur tilini saqlap qélishi we ularni Uyghur medeniyiti terbiyisige ige qilish Uyghur ata-anilar jiddi köngül boliwatqan bir mesilige aylanmaqta. Mushundaq zörüriyet astida chet'ellerde yashawatqan bir qisim wetenperwer, mes'uliyetchan kishilirimiz cheklik imkaniyet we qolidin kélidighan yollar bilen kélechek ewladlirimiz üchün ehmiyetlik ishlarni qilishqa tirishiwatidu.

Shundaq kishilerdin biri, hazir norwégiyide yashawatqan aygül xanim bolup, u bir özi yalghuz internet arqiliq tarqitiliwatqan "hor Uyghur balilar radi'osi" yolgha qoyup, chet'eldiki Uyghur balilirigha ana til, weten, millet, en'ene we milli ghurur terbiyisi élip barmaqta.

Biz bügün "hör Uyghur balilar radi'osi" heqqidiki tepsili ehwallar bilen tonushup chiqish üchün aygül xanimni ziyaret qilduq.