Xu jintawning döletni idare qilidighan yéngi neziriyisi


2006-11-02
Share
hu-jintao-150.jpg
Xitay dölet re'isi xu jintaw

Xu jintaw xitayning re'islikige belgilen'gendin kéyin, u 16 ‏- nöwetlik kommunist partiye merkizi komitétining 4 ‏- omumyighinida "sotsiyalistik inaq jemiyet qurush" dégen sözni otturigha qoyghan idi. Yéqinda échilghan 6 ‏- omumyighinda "sotsiyalistik inaq jem'iyet qurushqa da'ir chong mesililer toghrisida qarar" maqullandi. Démek, buningdin ikki yil burun , xu jintawning döletni idare qilish neziriyisining mawzusi otturigha qoyulghan bolsa, emdi bu mawzu partiyining qararigha aylandi. Xu jintawning bu neziriyisining tebiri "gu'angming géziti" de "közetküchi" dégen aptor nami bilen élan qilin'ghan bashmaqalide sözlendi. On nechche ming xetlik bu bash maqalide jang ziminning nami peqet bir qétimla tilgha élip ötülüp, xu jintawning nami bolsa alahide tüs bilen tilgha élinip 14 qétim tekrarlandi. Uning "sotsi'alistik inaq jem'iyet qurush" dégen shu'ari 92 qétim tekrarlandi.

Burun "iqtisadiy qurulush merkez" qilin'ghan bolsa, emdi xu jintaw "ijitma'i qurulush"qa ehmiyet béridiken

"Közetchi" dégen ependim xu jintawning bu neziyisini xelqqe "xitayning yuqiriy qatlimida yüz bériwatqan eng chong özgirish" dep chüshendürüshke tirishqan. Burun "iqtisadiy qurulush merkez" qilin'ghan bolsa, buningdin kéyin xu jintawning "ijitma'i qurulush"qa ehmiyet béridighanliqini jakarlighan. Emma amérikining prinston uniwérsitétidiki siyasetshunas mutexessis chén kuydé ependining qarishiche, xu jintawning "sotsiyalistik inaq jem'iyet qurush" dégen su'ari yéngi nerse emes. Kommunist partiyining her qandaq rehbiri textke chiqsa, u özini yéngi bir dewrni yaratqan qilip körsitishke tirishidu. Undaq qilmisa, u yenila adettiki byurokrat dep qarilatti. Shunglashqa xu jintaw bu qétim sehnige özining yéngi niqabini kiyip chiqqan.

Xu jintaw solgha borulushni az-azdin ishqa ashuruwatidu

Chén kuydé ependining tehlil qilishiche, meyli sotsiyalizm bolsun yaki kommunizm bolsun, hemmisi oxshashla jem'iyetke ang -forma jehettin hökümranliq qilidighan shekil. Uni néme dep atashtin yaki shekilning qandaq özgertilishidin qet'iy nezer, eger ang -forma jehettin qattiq kontrol qili'ish özgertilmise, uningda héchqandaq özgirish bolmighan'gha teng. Xu jintaw aghzida herxil pikirler mewjut bolghan inaq jemiyet, dep qoyghan bilen, emeliyette peqet xu jintawning öziningla awazi mewjut, bashqa kishige yol yoq. Hazir pikir erkinlikini iskenjige élish jang zémin dewridikidinmu ching. Inchike közetkende, xu jintaw hazir xitayda töwen qatlamdiki ajiz tebiqilerge yardem bérish we ularni yöleshni tekitlesh arqiliq yéngi özgirish peyda qilip, bu shekil bilen solgha borulushni az-azdin ishqa ashuruwatidu.

Xu jintaw buningdin kéyin xiyanetchilikke , chiriklikke qarshi turushni yene aghzidin chüshürmeydu

Hazir amérikida turuwatqan jem'iyetshunas mutexessis lyu shawju ependining tehlil qilishiche, xu jintaw sotsi'alistik inaq jem'iyet qurush dégen neziriyiside "partiye rehberlikini kücheytish" dégini emeliyette özining rehberlikini kücheytish, "partiyining döletni idar qilish qabiliyitini ashurush" déginimu, emeliyette özining döletni idare qilish qabiliyitini ashurush. Uning hazir dewatqan bu gepliride héchqandaq yéngiliq yoq. Dölet puqralirini sözligili qoymay, ehli-ilmiylerni basturidighan, peqet özila sözleydighan inaq jem'iyet bolamdiken? xu jintawning hazir dewatqini bir yalghan "inaq jem'iyet".

Uning tehlil qilishiche, xu jintaw buningdin kéyin "inaq jem'iyet" dégen bu shu'arni xiyanetchilikke , chiriklikke qarshi turush herikiti élip bérish siyasitige tayinip dawamlashturmaqchi.(Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet