Ху җинтав дуч келиватқан үч чоң кризисни һәл қилиш үчүн "образ яхшилаш" тәшвиқатини йолға қоймақта

• Мухбиримиз вәлиниң бу һәқтики мәлумати
• Download story audio

Хоңкоңда чиқидиған "сайраш" журнилиниң 2007 ‏- йил 1 ‏- санида баян қилинишичә, ху җинтав 2006 ‏- йилиниң ахирида ечилған 20 ‏- қетимлиқ сиясий бюро йиғинида, өлкә дәриҗилик йәрлик һөкүмәтләрдин мәркизи һөкүмәткә һәр күни 450 парчидин артуқ доклат йоллинип турулидиғанлиқи, бу доклатларниң йеримидин толиси сиясий вә иҗтимаий муқимсизлиқ вәқәлири һәққидики инкаслар, болупму үстқурулма саһәси вә демократик партийиләр дәп аталған тәбиқиләрниң қаршилиқ көрситиватқанлиқи, хәлқниң дәрд -пәрятлири улғийиватқанлиқи, һөкүмәт органлириниң пассип һаләткә чүшүп қалғанлиқи һәққидики инкаслар болуп, ху җинтав йиғинда бу мәлуматларға асасән, һазир коммунист партийиниң сиясий кризис, иҗтимаий кризис вә түзүм кризисидин ибарәт үч чоң кризискә дуч кәлгәнликини етирап қилған. Вин җябав му бу йиғинда партийә вә һөкүмәт органлириниң җәмийәттин айрилип қалғанлиқини етирап қилған. Бу‏ -‏ коммунист партийә рәһбәрлириниң сақланған мәсилини тунҗи қетим етирап қилиши болуп һесаблиниду. Ху җинтавниң сөзи билән ейтқанда "һазир коммунист партийиниң алдида туруватқан әң җиддий хизмәт ‏- кризискә тақабил туруш. Бу ‏- коммунист партийиниң рәһбәрлик орни вә дөләтниң тәқдирини бәлгиләйдиған җәң". Йиғинда, бу хизмәтни орунлаш үчүн )кризискә тақабил туруш үчүн(, мәркәзгә әгишиши яхши болған бейҗиң, тйәнҗин, ниңша, тибәт, гуаңши, шинҗаң, сәндуң, гәнсу қатарлиқ шәһәр, аптоном раюн ,өлкиләрни тәқдирлигәндин башқа, мәркәзгә әгишиши начар болған хенән, ички моңғул, йүннән, чиңхәй қатарлиқ 19 өлкигә хизмәт гурупписи әвәтиш тәдбирини қоллиниш қарар қилинған. Йеқиндин буян учур вастилири бу җәһәттики мәсилиләрни ениқлашқа әһмийәт бәрмәктә.

Хитайниң муавин рәиси зең чиңхуң әпәнди ху җинтавдин дөләт рәисилик орнини өтүнүп беришни тәләп қилған

Ройтрс агентлиқиниң 11 ‏- январ күни баян қилишичә, хитайниң муавин дөләт рәиси, "шаңхәй гуроһи"ниң муһим адими дәп қарилип келиватқан зең чиңхуң әпәнди ху җинтавдин дөләт рәисилик орнини өтүнүп беришни тәләп қилған. Тәйвәндә туруватқан сиясий мулаһизичи лин бавхуа әпәндиниң баян қилишичә, зең чиңхуң шаңхәй гуроһиниң йәнә бир муһим адими болған чен ляңйүни чириклик билән билән әйибләштә хизмәт көрсәткәндин кейин, униң бәдилигә, ху җинтавдин дөләт рәисиилик орнини бикар қилип беришни тәләп қилған. Дөләт рәисиликини талишиш бир тәләпла әмәс, бәлки бу бир әмәлий һәрикити бар риқабәт болуп, худди "малийә" журнилида баян қилинғандәк, хитайдики дөләт игиликидики әң чоң електир қувити сестимисиниң пай чекини контрол қилидиған "луниң гуруһи" ниң мәблиғидин бултур бирйил ичидила 70 милярд юән пул шәхсийләрниң һесабиға өтүп кәткән. Бу делоға четилған әң чоң үч кишиниң бири луниң гуруһиниң башлиқи зең чиңхуңниң оғли зең вей, қалған иккиси сиясий бюро әзаси, хубей өлкиисниң шуҗиси йү җеңшең вә шинҗаңниң шуҗиси ваң лечуән.

Сүний һәмраһ асманға чиқип қизил байрақ йәргә чүшти

Хитайда чиқидиған "авиатсийә вә аләм техникиси" дегән һәптилик гезитидә баян қилинишичә, 1 ‏- айниң 12 ‏- күни бейҗиң вақти әтигән саәт 6 дин 30 минут өткәндә , сичуәндин етилған "йол ачқучи"‏- 2 бәлгилик оттура мусапилиқ сүний һәмраһқа қарши башқурулидиған бомба 860 километир игизликтә, 1999 ‏- йили қоюп берилгән "чапқун" 1 -c бәлгилик һава райини көзитидиған сүний һәмраһқа соқулуп, уни пачақлиған. Шуниң билән америкиниң илғар типтики L-21 бәлгилик җасуслуқ сүний һәмрасиниң мәзкур сүний һәмраһ билән болған алақиси дәрһал үзүлгән. Вәқәдин кейин, ху җинтав һәрбий қисимларға "партийиниң қоманданлиқиға бой сунуш керәк" дәп кәйни -кәйнидин бир нәччә қетим буйруқ чүшүргән. Бу сәвәбтин хитайниң рәһбәрлик қатлимида күрәш кәскинләшкән. Бәзи мулаһизичиләрниң қаришичә, бултур 5 ‏- айда хитай деңиз армийисиниң чиңдавдики шәрқий деңиз пилоти ху җинтав чүшкән һәрбий парахотқа оқ чиқарғанлиқи вә бу қетим сүний һәмраһни етип партлатқан вәқә, теги-тәктидин ейтқанда, башқурулидиған бомба асманға чиқип қизил байрақниң йәргә чүшүп кәткәнликиниң ипадисии болуп һесаблиниду.

Тәшвиқат министиирлиқи учур вастилирини "дөләт образини яхшилаш" қа чақирған

Америка авазиниң хәвәр қилишичә, хитай коммунист партийиси мәркизи комитетиниң тәшвиқат министири лю йүнсән 20 ‏- январ күни мәмликәтлик тәшвиқат йиғинида, коммунист партийә дуч кәлгән үч чоң кризисни һәл қилиш үчүн, һәр қайси учур вастилиридин һазирқи пурсәтни чиң тутуп, коммунист партийиниң вә дөләтниң образини яхшилайдиған тәшвиқатларни тиз қанат яйдурушни тәләп қилған. Бейҗиңдики сиясий мулаһизичи лю шавбо әпәндиниң баян қилишичә, пүтүн дуня һазир җуңгодики гезитләргә қариса, униңда "партийиниң кишилик һоқуқни қандақ яхшилап, демократийини қандақ илгири сүрүватқанлиқи"ла сөзлиниду; әгәр көз тикип җәмийәткә қариса, һәммила җайда дөләт пуқралириниң кишилик һоқуқиниң дәпсәндә қилинишиға партийә өзи йетәкчилик қиливатқанлиқини көриду. Булар интайин ениқ көрүнүш. Дуняда һазир иза тартмастин бир партийә мустәбитликини тәрғип қиливатқан номуссиз һөкүмәт пәқәт җуңгола болса керәк. (Вәли)