Xu jintaw duch kéliwatqan üch chong krizisni hel qilish üchün "obraz yaxshilash" teshwiqatini yolgha qoymaqta


2007-01-23
Share

Xongkongda chiqidighan "sayrash" zhurnilining 2007 ‏- yil 1 ‏- sanida bayan qilinishiche, xu jintaw 2006 ‏- yilining axirida échilghan 20 ‏- qétimliq siyasiy byuro yighinida, ölke derijilik yerlik hökümetlerdin merkizi hökümetke her küni 450 parchidin artuq doklat yollinip turulidighanliqi, bu doklatlarning yérimidin tolisi siyasiy we ijtima'iy muqimsizliq weqeliri heqqidiki inkaslar, bolupmu üstqurulma sahesi we démokratik partiyiler dep atalghan tebiqilerning qarshiliq körsitiwatqanliqi, xelqning derd -peryatliri ulghiyiwatqanliqi, hökümet organlirining passip haletke chüshüp qalghanliqi heqqidiki inkaslar bolup, xu jintaw yighinda bu melumatlargha asasen, hazir kommunist partiyining siyasiy krizis, ijtima'iy krizis we tüzüm krizisidin ibaret üch chong kriziske duch kelgenlikini étirap qilghan. Win jyabaw mu bu yighinda partiye we hökümet organlirining jem'iyettin ayrilip qalghanliqini étirap qilghan. Bu‏ -‏ kommunist partiye rehberlirining saqlan'ghan mesilini tunji qétim étirap qilishi bolup hésablinidu. Xu jintawning sözi bilen éytqanda "hazir kommunist partiyining aldida turuwatqan eng jiddiy xizmet ‏- kriziske taqabil turush. Bu ‏- kommunist partiyining rehberlik orni we döletning teqdirini belgileydighan jeng". Yighinda, bu xizmetni orunlash üchün )kriziske taqabil turush üchün(, merkezge egishishi yaxshi bolghan béyjing, tyenjin, ningsha, tibet, gu'angshi, shinjang, sendung, gensu qatarliq sheher, aptonom rayun ,ölkilerni teqdirligendin bashqa, merkezge egishishi nachar bolghan xénen, ichki mongghul, yünnen, chingxey qatarliq 19 ölkige xizmet guruppisi ewetish tedbirini qollinish qarar qilin'ghan. Yéqindin buyan uchur wastiliri bu jehettiki mesililerni éniqlashqa ehmiyet bermekte.

Xitayning mu'awin re'isi zéng chingxung ependi xu jintawdin dölet re'isilik ornini ötünüp bérishni telep qilghan

Roytrs agéntliqining 11 ‏- yanwar küni bayan qilishiche, xitayning mu'awin dölet re'isi, "shangxey gurohi"ning muhim adimi dep qarilip kéliwatqan zéng chingxung ependi xu jintawdin dölet re'isilik ornini ötünüp bérishni telep qilghan. Teywende turuwatqan siyasiy mulahizichi lin bawxu'a ependining bayan qilishiche, zéng chingxung shangxey gurohining yene bir muhim adimi bolghan chén lyangyüni chiriklik bilen bilen eyibleshte xizmet körsetkendin kéyin, uning bedilige, xu jintawdin dölet re'isi'ilik ornini bikar qilip bérishni telep qilghan. Dölet re'isilikini talishish bir telepla emes, belki bu bir emeliy herikiti bar riqabet bolup, xuddi "maliye" zhurnilida bayan qilin'ghandek, xitaydiki dölet igilikidiki eng chong éléktir quwiti séstimisining pay chékini kontrol qilidighan "luning guruhi" ning meblighidin bultur biryil ichidila 70 milyard yu'en pul shexsiylerning hésabigha ötüp ketken. Bu délogha chétilghan eng chong üch kishining biri luning guruhining bashliqi zéng chingxungning oghli zéng wéy, qalghan ikkisi siyasiy byuro ezasi, xubéy ölki'isning shujisi yü jéngshéng we shinjangning shujisi wang léchu'en.

Sün'iy hemrah asman'gha chiqip qizil bayraq yerge chüshti

Xitayda chiqidighan "awi'atsiye we alem téxnikisi" dégen heptilik gézitide bayan qilinishiche, 1 ‏- ayning 12 ‏- küni béyjing waqti etigen sa'et 6 din 30 minut ötkende , sichu'endin étilghan "yol achquchi"‏- 2 belgilik ottura musapiliq sün'iy hemrahqa qarshi bashqurulidighan bomba 860 kilométir igizlikte, 1999 ‏- yili qoyup bérilgen "chapqun" 1 -c belgilik hawa rayini közitidighan sün'iy hemrahqa soqulup, uni pachaqlighan. Shuning bilen amérikining ilghar tiptiki L-21 belgilik jasusluq sün'iy hemrasining mezkur sün'iy hemrah bilen bolghan alaqisi derhal üzülgen. Weqedin kéyin, xu jintaw herbiy qisimlargha "partiyining qomandanliqigha boy sunush kérek" dep keyni -keynidin bir nechche qétim buyruq chüshürgen. Bu sewebtin xitayning rehberlik qatlimida küresh keskinleshken. Bezi mulahizichilerning qarishiche, bultur 5 ‏- ayda xitay déngiz armiyisining chingdawdiki sherqiy déngiz piloti xu jintaw chüshken herbiy paraxotqa oq chiqarghanliqi we bu qétim sün'iy hemrahni étip partlatqan weqe, tégi-tektidin éytqanda, bashqurulidighan bomba asman'gha chiqip qizil bayraqning yerge chüshüp ketkenlikining ipadisi'i bolup hésablinidu.

Teshwiqat ministi'irliqi uchur wastilirini "dölet obrazini yaxshilash" qa chaqirghan

Amérika awazining xewer qilishiche, xitay kommunist partiyisi merkizi komitétining teshwiqat ministiri lyu yünsen 20 ‏- yanwar küni memliketlik teshwiqat yighinida, kommunist partiye duch kelgen üch chong krizisni hel qilish üchün, her qaysi uchur wastiliridin hazirqi pursetni ching tutup, kommunist partiyining we döletning obrazini yaxshilaydighan teshwiqatlarni tiz qanat yaydurushni telep qilghan. Béyjingdiki siyasiy mulahizichi lyu shawbo ependining bayan qilishiche, pütün dunya hazir junggodiki gézitlerge qarisa, uningda "partiyining kishilik hoquqni qandaq yaxshilap, démokratiyini qandaq ilgiri sürüwatqanliqi"la sözlinidu؛ eger köz tikip jem'iyetke qarisa, hemmila jayda dölet puqralirining kishilik hoquqining depsende qilinishigha partiye özi yétekchilik qiliwatqanliqini köridu. Bular intayin éniq körünüsh. Dunyada hazir iza tartmastin bir partiye mustebitlikini terghip qiliwatqan nomussiz hökümet peqet junggola bolsa kérek. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet