Majarlar bilen Uyghurlar budapéshtta hun qurultiyi ötküzdi (1)

Wén'griye budapéshtta ötküzülgen hun qurultiyigha, Uyghurlar özining naxsha-usul sen'itinila emes, belki Uyghur ta'amlirinimu bille élip keldi.
Muxbirimiz weli
2011.08.15
Share on WhatsApp
Share on WhatsApp
Dunya-Hunlar-Qurultiyi-Atilla-Uyg-Konsert-305 Honlarning rehberliridin atilla we uning bash qomandani arpad wezerning süriti arqa körünüsh qilin'ghan sehnide, Uyghur wekilliri ay yultuzluq kök bayraq bilen nomur körsetti. 2010-Yili awghust, wén'griye.
RFA/Kurban Weli

Wén'griyining budapésht shehiride 8‏-ayning 12‏-künidin 15‏-künige qeder hun qurultiyi ötküzüldi. “Qurultay” dégen miladidin ilgiri honlar her yili 8‏-ayda yaylaqqa toplinip, özlirining at we jeng maharetlirini körsitip, pütün milletni baturluqqa yétekleydighan milliy pa'aliyet (yaylaq meshripi) tin qalghan en'ene. Bu pa'aliyetni honlar eyni zamanlarda “Qurultay” dep ataytti.

Hun seltenetlirining tarixiy mirasi bolup qalghan wén'griye döliti )esli hun'giriye, rus tilida h tawushi bolmighachqa wén'griye dep atilip qalghan( de yashaydighan asasi millet ---mehmud qeshqiri türkiy tillar diwanida bayan qilip ötken majarlar, bu yilqi hun qurultiyigha Uyghurlarni teklip qildi.

Bu qurultaygha, dunya Uyghur qurultiyigha wakaliten gérmaniyidin we shwétsiyidin bolup 20 dek Uyghur keldi. Bu heqtiki ehwallarni dunya Uyghur qurultiyi tetqiqat merkizidin ümid neq meydandin sözlep béridu.

Ümid agahining éytishiche, bu qétimqi hun qurultiyini wén'griyidiki 10 milyondin artuq majar xelqi öz aldigha ötküzgen bolup, ular bu qurultaygha Uyghurlarni teklip qilghan. Uyghurlar bu qurultaygha folklor ömikini élip kelgen.

Ümid agahining éytishiche, wén'griyide majarlar Uyghurlarni barghanséri chongqur chüshiniwatidu, yéqinda xoten, qeshqerlerde yüz bergen weqelernimu pütünley xitaygha qarshi héssiyatta chüshinidiken. Majarlarda hazir Uyghurlargha bolghan yéqinchiliq, hésdashliq barghanséri éshiwatidu.

Ümid agahining éytishiche, bu qétimqi qurultayda Uyghurlar özlirining en'eniwi kiyim nusxilirini körgezme qilghan. Qurultayning kirish éghizigha sherqiy türkistanning bayriqini asqan. Bu qurultayda bir qisim majarlar Uyghurche doppa kiyip yürüptu.

Ümid agahining éytishiche, budapésht shehirining sehrasida ötküzülgen bu hun qurultiyigha kelgen Uyghurlar sen'et maharitinila emes, yémek maharitinimu körsetken, majarlar polu, kawap dégen sözlerni pishshiq öginiwalghan. Majar yashliri sherqiy türkstan'gha barimiz, Uyghurche öginimiz, dep derslik matériyal sorighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.