Dunya Uyghur qurultiyining bayanatchisi dilshat rishit Uyghur mesilisi heqqide toxtaldi

• Muxbirimiz eqidening bu heqtiki toluq melumati
• Download story audio

Dunya Uyghur qurultiyining bayanatchisi dilshat rishit ependi yéqinda xelq'ara metbu'atlarning ziyaritini qobul qilip, dunya Uyghur qurultiyining xelq'arada élip bériwatqan pa'aliyetlirining yetmekchi bolghan nishanini we Uyghur milli herikitining rehbiri rabiye qadir xanimning nobil ténchliq mukapatining namzatliqigha körsitilishining nöwette Uyghur mesilisi'ining dunya jama'etchilikining diqqitini qozghighan muhim mesilige aylan'ghanliqini éniq sherhilep ötti.

Istansimizning ziyaritini qobul qilghan dilshat rishit ependi yuqiriqi mezmunlar heqqidiki qarashlirini tekrarlap ötkendin kéyin, xitay da'irilirining yéqinda rabiye qadir xanimning gunahsiz oghli ablikim abduréhimni 9 yilliq qamaq jazasi bilen jazalishi we kanada puqrasi hüsiyin jélilni müddetsiz qamaq jazasigha höküm qilishi, bu döletning Uyghurlarni basturush qilmishining chékidin ashqanliqining ipadisi we kishilik hoquq depsendichilikining ochuq delili ikenlikini tekitlidi.

Muhbirimiz eqidening, dilshat rishit ependidin sorighan töwendiki su'allirigha bergen jawaplirining tepsilatini yuqurqi ulunushtin anglang.

Su'al : essalamu eleykum hörmetlik dilshat rishit ependim, yéqinda siz bir qanche metbu'atlarning ziyaritini qobul qilip, dunya Uyghur qurultiyining xelq'arada élip bériwatqan pa'aliyetlirining asasliq nishani heqqide toxtulup ötüpsiz, bügün mushu heqte yeni dunya Uyghur qurultiyining xelq'arada élip bériwatqan pa'aliyetlirining yetmekchi bolghan meqsidi toghrisida azraq chüshenche bérip ötken bolsingiz?

Su'al: dunya Uyghur qurultiyining re'isi rabiye qadir xanimning dunya nobil ténchliq mukapatining namzatliqgha körsitilishi we rafto ténchliq mukapati bilen mukapatlinishi, elwette xelq'ara kishilik hoquq teshkilatlirining rabiye qadir xanimgha we u rehberlik qiliwatqan dunya Uyghur qurultiyigha tutqan pozitsiyisi we bahasini ipadileydu. Emma xitay da'iriliri rabiye qadir xanim we dunya Uyghur qurultiyi bashliq chet'ellerde pa'aliyet élip bériwatqan teshkilatlarni izchil eyiblep, rabiye xanimning oghli ablikim abduréhimni 9 yilliq qamaq jazasi bilen jazalidi. Siyasiy közetküchiler, bu ehwalni, xitay da'irilirining rabiye qadir xanimning amérika we gherb elliride Uyghurlarning kishilik hoquqi üchün körsitiwatqan xizmetliridin "öch élish hésablinidu" dep qarimaqta. Bu mesilige siz qandaq qaraysiz?

Su'al: xitay da'iriliri, Uyghur pa'aliyetchi, kanada puqrasi hüsiyin jélilni térrorluq heriketler bilen shughullan'ghan dep eyiblep, kanada qatarliq bir qanche dölet we xelq'ara kishilik hoquq teshkilatlirining naraziliq bildürüshige qarimay, uni müddetsiz qamaq jazasigha höküm qildi. Dunya Uyghur qurultiyi bu mesilige qandaq qaraydu? (eqide).