Kanada puqrasi hüseyin jélil 15 yilliq qamaqqa höküm qilindimu ?

• Muxbirimiz eqidening bu heqtiki toluq melumati
• Download story audio

Hüseyin jélil

Kanada puqrasi hüseyin jélil, bu yil 3 ‏- ayda özbékistan da'iriliri teripidin, "térrorchiliq bilen shughullan'ghan, qirghizistanda xitay emeldarlirini öltürüshni pilanlighan" dep eyiblinip, xitaygha ötküzülüp bérilgen idi.

Xitay da'iriliri bolsa, hüseyin jélilni kanada puqrasi emes, belki xitay puqrasi dep qarap, uning térrorluq heriketler bilen shughullinish qilmishliri üstidin öz dölet qanunliri boyiche sotqa tartidighanliqini tekitlimekte.

Biraq, kanadadiki kishilik hoquq teshkilatliri we kanada Uyghur jem'iyiti shuningdek Uyghurlarning kishilik hoquqi üchün pa'aliyet élip bériwatqan amérika Uyghur birleshmisi, dunya Uyghur qurultiyi qatarliq teshkilatlar, xitayning xelq'ara qanunlargha xilap herikette boluwatqanliqini, shuningdek hüseyin jélilni derhal kanadagha qayturup bérishini telep qildi.

Biz hüseyin jélilning heqiqeten, xitay hökümiti teripidin 15 yilliq qamaq jazasigha höküm qilin'ghanliqini éniqlap béqish meqsitide, xitayning amérikida turushluq bash elchixanisigha téléfun urduq. Epsus ularning axbarat ishxanisi su'allirimizgha jawab bérishtin bash tartti.

Kanada hökümitining, hüseyin jélil mesilisge izchil türde jiddiy pozitsiye tutuwatqanliqini bildürgen, dunya Uyghur qurultiyining mu'awin re'isi memet toxti ependi mundaq deydu.

Hüseyin jélilning ayali kamile xanim, hemrasi hüseyin jélilning gunahsiz ikenlikini, xitay hökümitining uning üstidin ölüm jazasi we yaki qamaq jazasi béridighan hoquqining yoqliqini, yoldishining shangxey hemkarliq teshkilatigha eza döletler otturisidiki kélishimning qurbanigha aylan'ghanliqini bildürdi.

Hüseyin jélilning qeshqerdiki yashan'ghan anisi, uning türmige tashlan'ghanliqidin xewer tépip orun tutup yétip qalghan bolup, biz uning ehwalidin xewerdar bolush üchün, hüseyin jélilning anisgha téléfun urduq, hüseyin jélilning bir tughqan achisi xeyrigül xanim ziyaritimizni qobul qildi.

Hüseyin jélilning, a'ile tawabatliri yene, biz junggu hökümitining qanunigha ishinimiz, shunga inimizning ehwalini sürüshtürüp béqish üchün, ürümchige bérip hökümet da'iriliri bilen körüshüp, éniq ehwal uqup béqishni qarar qilduq déyishti.