Kanada puqrasi hüseyin jélilni qutuldurush pa'aliyiti dawamlashmaqta


2006-09-20
Share

Kanada puqrasi hüseyin jélilni, özbékistan hökümiti xitaygha qayturup bergendin kéyin, xitay hökümiti uning kanada puqraliq salahiyitini ret qilip, uni öz qanunliri boyiche bir terep qilidighanliqini bildürgen idi.

Xitay hökümiti yene, hüseyin jélilni térrorchiliq heriketliri bilen shughullan'ghan dep eyiblep, uning qirghizistanda adem öltürüsh jinayetlirige chétishliq ikenlikini tekitlidi. Emma hüseyin jélilning xitay hökümiti eyibligendek térrorchi emeslikini, hem qirghizistanda héchqandaq jinayet sadir qilmighanliqini bildürüp, uning derhal qoyup bérilishini telep qilghan, hüseyin jélilning ayali kamile xanim "méning érim héchqachan térrorchi emes, belki xitay hökümiti térrorchi" dédi. Kamile xanim yene adwokati bilen birlikte hösiyin jélil heqqide matériyal toplap, uning qirghizistanda élip barghan pa'aliyetlirini kündilik xatire süpitide retlep, xitay hökümitige tapshuridighanliqini éytti.

Kamile xanim sözide yene, hüseyin jélilning anisi, akisi we hedisi, hazir Uyghur aptonom rayonining merkizi ürümchide, bir qanche türmige bérip uning iz - dérikini qiliwatqanliqini éytti.

Biz kanada tashqi ishlar ministirliqining, katibat ishxanisigha téléfun urup, kanada hökümitining, xitay hökümiti bilen hösiyin jélil dilosi toghrisida élip bériwatqan di'alogida yéngi bir özgirishning bar ‏- yoqliqi heqqide sürüshtürduq.

Katibat ishxanisidiki xadim bizge, mezkur dilogha mes'ul kishilerning yoqliqini bildürüp, bir qanche kün ichide bu heqte bizge melumat béridighanlqini bildürdi.

Dunya Uyghur qurultiyining mu'awin re'isi, kanada Uyghur jem'iyining re'isi memet toxti ependi, höseyin jélilni qutuldurush herikitini bir künmu toxtatmighanliqini bildürüp, mezkur jem'iyetningmu hüseyin jélilning adwokatigha hemkarliship, matériyal hazirlawatqanliqini bildürdi.

Biz yene, amérikida turushluq xitay elchixanisining axbarat ishxanisigha téléfun urup, xitay hökümitining hüseyin jélil mesilisini qandaq bir terep qilidighanliqini soriduq.

Axbarat ishxanisining mudiri, "méning bu dilo heqqide xewirim yoq iken, siz elchixanimizdiki bashqa xadimlardin bu ishni sürüshte qilip béqing" dep, bizge qana'etlinerlik jawab bermidi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet