Хитай даирилири тәрипидин қәтли қилинған ибраһим исмаил зади қандақ адәм?


2008.02.01

Хитай даирилири буниңдин 11- йил илгирики, 5- феврал күни ғулҗа шәһиридә, уйғур яшлириниң наразилиқ намайишини қанлиқ бастурғандин кейин,уйғур райониниң һәр қайси җайлирида кәң- көләмлик тутқун қилиш һәрикитини башлап,нәччә миңлиған уйғурни қолға алған вә бир түркүм уйғурға өлүм җазаси бәргәниди.

Диний зат ибраһим исмаил бу вәқәдин кейин қолға елинип, өлүмгә һөкүм қилинған уйғурларниң бири. Хитай даирилири 1997- йили июн ейиниң ахирида ибраһим исмаилни ғулҗида қолға алғанда,униң ғулҗа шәһиридики наразилиқ намайишини астириттин пиланлиған "әң чоң каттиваш"икәнликини илгири сүргән вә униң қолға елинишини "хоңкоңни қайтуривелишниң һарписидики наһайити муһим җәң ғәлибисидин бири" дәп хәвәр қилғаниди.

Гәрчә хитай даирилири, ибраһим исмаилниң сорақ җәрянида уйғурларниң йәр асти тәшкилатлирини "паш қилған"лиқини вә униң һөкүмәт билән һәмкарлашқанлиқини ахбарат вастилири арқилиқ, кәң тәшвиқ қилған болсиму, әмма улар аридин узун өтмәй униңға өлүм җазаси берип,уни етип ташлиди. Буниң билән бир қисим уйғурларниң каллисида ибраһим исмаил зади қандақ адәм,немә үчүн хитай даирилири өзлири билән һәмкарлашқан адәмгә өлүм җазаси бериду,дегән суал һәтта гуманлар шәкилләнгәниди.

Төвәндә биз ибраһим исмаилниң сәбдашлиридин, һазир канадада яшаватқан абләт нур әпәнди билән бу һәқтә сөһбәтләштуқ. Сиясий паалийәтчи абләт нур әпәнди мәрһум ибраһим исмаилниң пәзиләт-виҗдани, һаяти вә униң ғулҗа инқилабидики роли һәққидә тохталди.

Абләт нур әпәнди хитай даирилириниң ибраһим исмаил һәққидики тәтүр тәшвиқатлириниң бир инқилабчиниң хәлқ қәлбидики образини хунүкләштүрүш икәнликини вә уйғурларниң әркинлики,һөрлүки үчүн паалийәт елип барған, күрәш қилған мәзкур инқилабчиниң ахири мустәмликә хитай даирилири тәрипидин қәтли қилинғанлиқини әскәртти. (Камил турсун)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.