Xitay da'iriliri teripidin qetli qilin'ghan ibrahim isma'il zadi qandaq adem?


2008-02-01
Share

Xitay da'iriliri buningdin 11- yil ilgiriki, 5- féwral küni ghulja shehiride, Uyghur yashlirining naraziliq namayishini qanliq basturghandin kéyin,Uyghur rayonining her qaysi jaylirida keng- kölemlik tutqun qilish herikitini bashlap,nechche minglighan Uyghurni qolgha alghan we bir türküm Uyghurgha ölüm jazasi bergenidi.

Diniy zat ibrahim isma'il bu weqedin kéyin qolgha élinip, ölümge höküm qilin'ghan Uyghurlarning biri. Xitay da'iriliri 1997- yili iyun éyining axirida ibrahim isma'ilni ghuljida qolgha alghanda,uning ghulja shehiridiki naraziliq namayishini astirittin pilanlighan "eng chong kattiwash"ikenlikini ilgiri sürgen we uning qolgha élinishini "xongkongni qayturiwélishning harpisidiki nahayiti muhim jeng ghelibisidin biri" dep xewer qilghanidi.

Gerche xitay da'iriliri, ibrahim isma'ilning soraq jeryanida Uyghurlarning yer asti teshkilatlirini "pash qilghan"liqini we uning hökümet bilen hemkarlashqanliqini axbarat wastiliri arqiliq, keng teshwiq qilghan bolsimu, emma ular aridin uzun ötmey uninggha ölüm jazasi bérip,uni étip tashlidi. Buning bilen bir qisim Uyghurlarning kallisida ibrahim isma'il zadi qandaq adem,néme üchün xitay da'iriliri özliri bilen hemkarlashqan ademge ölüm jazasi béridu,dégen su'al hetta gumanlar shekillen'genidi.

Töwende biz ibrahim isma'ilning sebdashliridin, hazir kanadada yashawatqan ablet nur ependi bilen bu heqte söhbetleshtuq. Siyasiy pa'aliyetchi ablet nur ependi merhum ibrahim isma'ilning pezilet-wijdani, hayati we uning ghulja inqilabidiki roli heqqide toxtaldi.

Ablet nur ependi xitay da'irilirining ibrahim isma'il heqqidiki tetür teshwiqatlirining bir inqilabchining xelq qelbidiki obrazini xunükleshtürüsh ikenlikini we Uyghurlarning erkinliki,hörlüki üchün pa'aliyet élip barghan, küresh qilghan mezkur inqilabchining axiri mustemlike xitay da'iriliri teripidin qetli qilin'ghanliqini eskertti. (Kamil tursun)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet