Kommunist xitay hökümitining Uyghurlarni öz yurtidin yötkep qul qilish mesilisi heqqide Uyghur ziyaliylirining mulahizisi


2007-06-21
Share

Amérika tashqi ishlar ministirliqining xelq'ara uchur merkizi 6 ‏- ayning 12 ‏- küni adem etkeschiliki mesilisi buyiche 2007 ‏- yilliq doklat élan qildi. Xelq'araliq kishilik hoquq teshkilatliri xitayni kishilik hoquq mesiliside közitidighan döletler tizimlikige kirgüzdi. Hazir 'közitish zhurnili'da bu doklatning 'xitay qismi' heqqide yéngi mulahiziler élan qiliniwatidu.

Xitay xelq'araliq adem etkeschilikining menbesi

‏'Közitish zhurnili'ning 17 ‏- iyon sanida bayan qilinishiche, xuddi amérika tashqi ishlar ministirliqining xelq'ara uchur merkizi 6 ‏- ayning 12 ‏- küni adem etkeschiliki mesilisi buyiche élan qilghan 2007 ‏- yilliq doklatining 'xitay qismi'da körsitilgendek, jungxu'a xelq jumhuriyiti hazir dunyada, xelqni mejburiy emgekke sélip qul qilish we iqtisadiy jehette ékspilatatsiye qilishni meqset qilghan xelq'araliq adem etkeschilikining menbesi hem transport noqtisi bolup qaldi.

Xitaydiki bundaq adem etkeschiliki, asasen balilarni we ayallarni soda-tijaret yoli bilen ékspilatatsiye qilishni meqset qilghan. Xitaydiki bundaq adem etkeschilikining köp qismi xitayning ichki ölkiliride, az qismi xitay arqiliq afriqa, yawropa, latin amérikisi,, ottura sherq, hetta shimaliy amérikighiche kéngeytilgen.

Xitaygha aldap kélin'gen ayallar kommunist baywechchilirige xotun bolushqa mejbur bolghan yaki tamamen kimliki yoq a'ile qullirigha aylan'ghan

Mulahizilerde bayan qilinishiche, xitaydiki adem etkeschiliri, asasen dölet puqralirining kelgüside yaxshi turmush köchürüsh heqqide bérilgen yalghan wedilerge asan ishinidighanliqidin paydilan'ghan. Ular özlirining aldan'ghanliqini sezgende, aldamchilarni hergiz tapalmaydu. Buning ichide yalghan wedilerge aldan'ghan ayallar we balilar eng köp.

Ular chet rayonlardin aldinip kélip, xitayning 'tereqqi qilghan rayon' dep atalghan jaylirida éghir jismaniy emgekke yaki 'jinsiy qul'luqqa tutulghan. Hetta mongghuliye, shimaliy koriye, bérma, rusiye, wéytnamlardinmu xitaygha aldap kélin'gen ayallar kommunist baywechchilirige xotun bolushqa mejbur bolghan yaki tamamen kimliki yoq a'ile qullirigha aylan'ghan.

Mulahizichilerning bayan qilishiche, bundaq jinayi ishlar jehette gerche xitayning qanuni bolsimu, emma xitay hökümitining uni ijra qilishi yaxshi bolmaywatidu.

Uyghurlar qizlirining xitaygha aldinip kétish mesilisi, yawrupada Uyghurche chiqidighan 'gherb shamili' zhurnilining tehriri haji abduréshit kérimining qarishiche, bu xitay kommunist hökümiti özi pilanliq halda sadir qiliwatqan délo.

Xitay kommunist hökümiti adem etkeschilikini nopus nisbiti buzulghan rayonlardiki ayal kamliq mesilisini hel qilish üchün qollanmaqta

Mulahizilerde bayan qilinishiche, xitayda adem etkeschiliki hazirmu dawamlishiwatqan bir éghir mesile. Hazir xitayda her yili ottura hésab bilen 10 mingdin 20 mingghiche adem sétilip qul qilinishqa uchrawatidu. Xelq'ara teshkilatlarning bayan qilishiche, uning %90 i ayallar we balilar .

Ular asasen namrat rayonlardin bay rayonlargha, bolupmu nopusining er bilen ayal nésbiti buzulghan rayonlargha yötkep kélin'gen. Kommunist xitay hökümiti adem etkeschilikini shu jaydiki ayal kamliq mesilisini hel qilish üchün qollanmaqta.

Kommunist xitay hökümitining pilanliq halda Uyghur qizlirini sétish, qul qilish mesilisini hel qilish üchün xelq'araning arilishishi lazim

Yawrupada Uyghurche chiqidighan 'gherb shamili' zhurnilining tehriri haji abduréshit kérimining qarishiche, kommunist xitay hökümiti pilanliq halda Uyghurlarni, bolupmu Uyghur qizlirini sétish, qul qilishni yolgha qoyuwatidu. Hazir bu mesilini hel qilish üchün xelq'araning arilishishi lazim. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet