Mawzédung otturigha qoyghan "sherq shamili" qurulushi alliqachan berbat bolghan, buningdin kéyin ghelibe qilamdu?

• Muxbirimiz welining bu heqtiki toluq melumati
• Download story audio

Ötken yilning axirida, xitay merkizi komitét partiye mektipining "öginish" zhurnilida, xitayda milliy ziddiyetlerning kündin - kün'ge jiddiylishiwatqanliqi, xitayda 1998 ‏- yilidin buyan 52 qétim yüz bergen chong kölemlik qarshiliq heriketlerning hemmisi yer - zémin we tebi'iy bayliq hoquqi jehettiki milliy ziddiyetlerdin kélip chiqqanliqi, hazir shinjang, tibet, yünnenlerde bundaq qarshiliq heriketlerning kündin ‏- kün'ge ewj élip küchiyiwatqanliqi, xitay hökümiti buni amérikining xitayda milliy ziddiyetlerni qozghawatqanliqidin boldi, dep qaraydighanliqi bayan qilinip, uningda meyli uning néme bolushidin qet'iy nezer, bu mesile hazir xitayda jiddiy hel qilishqa tégishlik mesile bolup qalghanliqi tekitlen'gen idi.

Xitay hökümiti Uyghur aptonom rayonida milliy ziddiyetni birterep qilish üchün "sherq shamili qurulushi" dégen charini otturigha qoydi

Xitayning "shinjang géziti" de bayan qilinishiche, xitay hökümiti Uyghur aptonom rayonida jiddiylishiwatqan milliy ziddiyetni birterep qilish üchün "sherq shamili qurulushi" dep atilidighan bir charini qollinishqa bashlighan. Xitay hökümiti 2007 ‏- yili 1 ‏- ayning 1 ‏- we 2 ‏- künliri, qeshqer rayonida 2369 yéza -kentke "xelq géziti", "shinjang géziti" qatarliq partiye gézitlirini heqsiz tarqatqan. Mezkur gézitte bayan qilinishiche, Uyghur aptonom rayonida 1 ‏- ayning 1 ‏- künidin bashlap her bir yéza‏- kentlerge partiye gézitlirini heqsiz bérish "sherq shamili qurulushi" dep atilidiken. Qeshqer wilayetlik partkom shujisi jaw shinwéy "sherq shamili qurulushi" dep atalghan bundaq tedbirni "partiyimizning siyasi -idiyiwi front qurulushi, idi'ologiye teshwiqat jéngi, yéngi yéza qurushning qedimini tézlitidighan chare" dep chüshendürgen.

"Gherb shamili zhurnili"ning tehriri "sherq shamili qurulushi" heqqide toxtaldi

Hazir shiwé'itsiyide turuwatqan Uyghur ziyaliysi, yawropada Uyghurche chiqidighan "gherb shamili zhurnili"ning tehriri abdirishit haji kérimi bu heqte özining oxshimighan köz qarishini otturigha qoydi.

Türkiyining istanbul shehiride turuwatqan meshhur jama'et erbabi seley hajimlar özining oxshimighan köz qarishini otturigha qoyup, kommunistik partiyining gézitliri we uningda déyilgen gepler Uyghurlargha bext élip kelmigenliki bildürdi.