Ikki chong yighinning sirtida hökümet saqchiliri xelqqe dawamliq zorawanliq qilmaqta

• Muxbirimiz welining bu heqtiki xewiri
• Download story audio

Öz muxbirimizning xitaydin xewer qilishiche, bir nechche kündin biri béyjingde ikki chong yighin échiliwatqan orunning etrapida, hökümet saqchilirining xususi ish bilen yoldin ötken yaki sayahet qilidighan xelqlerge qarita qolliniwatqan tosash - cheklesh, soraq qilish, yanlirini axturush, tutqun qilish heriketliri nahayiti sürlük bolmaqta.

Ularning asasliq tutqun qilish nishani hökümetke dert éytqili kelgen xelq yaki falun'gongche nepes meshqi qilidighan xelq. Ti'en'enmén meydanining etrapigha kelgenliki kishilerni saqchilar tosup soraq qilidu. Adem tutush buyruqini saqchilar neq meydandila özliri yazidu.

Saqchi ponkitliri tutqun qilin'ghan ademler bilen tolup ketken

"Boshün" tor bétide bayan qilinishiche, düshenbe küni béyjingning saqchi ponkitliri tutqun qilin'ghan ademler bilen tulup ketken. Muxbirimiz béyjing sheherlik saqchi idarisige téléfon qilip adem tutush mesilisi heqqide su'al sorisa , saqchi idarining xadimi "sen béyjing sheherlik axbarat idarisini izliseng muwapiq bolatti" dégen we adem tutush dégen geptin bekla éhtiyat qilidighanliqini ipadilep "adem tutti" dégen sözni quliqimiz anglimisun" dégen.

Erziyet mehelliside turiwatqan bey famililik ayalning muxbirimizgha éytip bérishiche, tünügün 300 adem qaytip kelmigen, ular tutup kitilgen. U ayal bilen bir öyde turghanlardin 4 kishi qaytip kelmigen. Uning aldida bu mehellige erz éytqili kelgenliki ademni biraqla tutup ketken iken. Bezi kishilerni tizimgha élip bolghandin kéyin qoyup bériptu. Eriz qilghili kelgenler donggawdi, majapo dégen jaylarda köprek turidken, bu jaylardin tutup kétilgenler nahayiti köp iken.

Erz qilghili kelgen li'u famililik ayalning éytishiche, yéqinda erziyetchiler kollitip halda ti'en'enmén meydanidiki jinshuy köwrükidin sugha sekriwalghan waqe yüz bergen idi.

Qutquziwélin'ghan kishiler saqchilargha biz hökümetke dert éytqili kelgen, kirgüzmidi, shunglashqa suda éqip kéreyli dep oylighan iduq, dégen. Muxbirlar wén jabawgha bu heqte su'al qoyghandin kéyin, hazir ehwal bir az özgerdi. Dölet kabinitining erziyet ishxanisi qaytidin échildi, emma u organ bekla bas - bas, ichige kirgili bolmaydu. Kireligenlerni shu idarining ichidin tutup kétidighan ehwalmu bar.

Saqchilarning zorawanliqi

Muxbirimizning bayan qilishiche, bu ayal seyshenbe küni ali sot mehkimisining aldida, saqchilar xelqqe zorawanliq qilghan bir ehwalni körgen. Uning éytip bérishiche, saqchilar bir ayalni tutqun qilghanda, köpchilik uni qoghdighan, xelq saqchi mashinilirigha "saqchilar bandit" dep yézip qoyghan. .

Birdemlik qattiq élishishtin kéyin, saqchilar u ayalni haman tutup ketken. Neq meydandin élin'ghan awaz lintisida melum bolushiche, saqchilar aldi bilen tyenenmén meydanigha kitiwatqan bir ayalni tosiwalghan. Uning eriz qilghili kelgen yaki emeslikini we yaki falun'gongchi yaki emeslikini sürüshtürgen. Uningdin kéyin kimlik kiningkisini tekshürmekchi bolghan. U ayal saqchidin döletning bir puxrasi hökümetke eriz qilghili kelse yaki nepes meshqi qilsa yaki ti'en'enmin meydanigha seyli qilghili kelse qanun'gha xilap bolamdiken, saqchilarmu gumpa meshiq qilislerghu, kimlik kinishkisini almay kelse néme bolidiken, ti'en'enmén meydanini seyli qilish qanunsizliqmiken, dep sorighan. Hetta nochi bolsang mini mushu yerde étip tashla, dep waqirighan. Munazire axirlashmay turupla, saqchilar shu ayalni mejburiy tutup ketken. U ayal saqchilarni lükchek, yawuz, adem urdi, dep waqirighan. . (Weli)