Бу йил бейҗиңда икки чоң йиғинға қатнишидиған 5000 дәк вәкил үчүн 500 миң адәм тәртип сақлайдикән

• Мухбиримиз вәлиниң бу һәқтики мәлумати
• Download story audio

Бейҗиңда һәр йили бир қетим ечилидиған икки чоң йиғин )мәмликәтлик хәлқ қорултейи вә мәмликәтлик сиясий кеңәшниң йиллиқ йиғини( ға һәр қайси өлкиләрдин қатнаштурулидиған вәкилләр бейҗиңға келиватиду. Б б с ниң баян қилишичә, бейҗиңда һәр йили бир қетим ечилидиған икки чоң йиғин мәзгили хитайда наһайити сәзгүр мәзгил. Хитай һөкүмити бу йилқи икки чоң йиғин ечилиштин бурун, бейҗиң шәһиридила беликигә рәсмий бәлгә тақап тәртип сақлаш үчүн 500 миң адәм аҗратқан. Йиғин җәрянида әрз ейтиш чәкләнгән.

Бейҗиң шәһәрлик шәрқи шәһәр райони сақчи идарисила йиғинни қоғдаш үчүн икки чоң қошун тәшкиллигән

Бейҗиң яшлири гезитиниң баян қилишичә, бейҗиң шәһәрлик шәрқи шәһәр райони сақчи идарисила йиғинни қоғдаш үчүн икки чоң қошун тәшкиллигән. Униң бири, шәһәрдә һөкүмәттин турмуш ярдәм пули еливатқан кишиләрдин тәшкилләнгән миң кишилик чарлаш әтрити. Йәнә бири, 2500 нәпәр коммунист партийә әзасидин тәшкилләнгән поста туруп нөвәтчилик қилиш әтрити. Буларниң һәммиси беликигә рәсмий қизил бәлгә тақайдикән. Уларниң вәзиписи кочиларда чарлаш-тәртип сақлаш вә су, електир, газ қатарлиқ муһим тармақларда, көврүк бешида, доқмушларда поста туруп, ишиккә қараш, адәмләргә қараш, гуман қилғанлики адәм яки әһвални сақчиға доклат қилиштин ибарәт икән.

Тәхминән һәр йили икки чоң йиғин үчүнла 5000 вәкил үчүн 5 милярд юән чиқимни хәлқ төләватиду

Бүгүн 'бошүн тор бети'дә, бейҗиңда һәр йили бир қетим ечилидиған икки чоң йиғинға қатнишидиған вәкилләрниң чиқими һесаблап көрүлгән. Униңда мундақ дәп баян қилинған: хунән өлкисидики хуаруң наһийилик малийә идарисиниң санлиқ мәлуматиға қариғанда, 2003 ‏- йили икки чоң йиғин үчүн бивастә қилинған чиқим 485 миң юән. Турмуш ярдәм пули қатарлиқ һәрхил чиқимларни қошса бир милйон юәндин ашиқан. Мушу һесаб буйичә болса, пүтүн мәмликәт буйичә 2861 наһийә һәр йили икки чоң йиғин үчүнла 2 милярд 800 милйон юән чиқим қилған болиду. 4 Тин 10 ғичә наһийини идарә қилидиған вилайәт дәриҗилик 265 шәһәр өз алдиға йәнә 1 милярд 300 милйон юән чиқим қилиши керәк. 23 Өлкә, 5 аптоном район, 4 бивастә қарашлиқ шәһәр, 2 алаһидә район өз алдиға йәнә 20 милйон юән чиқим қилиши керәк. Һәрйили икки чоң йиғинға қатнишидиған 5000 вәкилниң һәр күнлүк тамақ пули 100 юәндин, ятақ пули 150 юәндин 600 юәнгичә, қатнаш пули 1000 юәндин һесабланса 5 милйон юән. Йиғин алди - кәйни болуп 20 күн һесабланса, буниңға йиғин җәрянида мәмликәт буйичә тәртип сақлайдиған 650 миң адәмниң һәр күнлүк турмуш ярдәм пу ли, учур вастилириниң чиқими қатарлиқларни қошқанда, йәрликтин мәркәзгичә тәхминән һәр йили икки чоң йиғин үчүнла 5 милярд юән чиқим болуватиду. Бу пулни қери, кесәл, мәҗроһ яки нарисидә балиларни өз ичигә алған пүтүн нопус бешиға чачқанда, һәр бир киши һәр йили икки чоң йиғин үчүн тәхминән 4 юәндин бәдәл төләватиду.

Икки чоң йиғинға қатнишидиған вәкилләр әмәлийәттә хитай коммунист партийисиниң вәкиллири

‏-‏- Хебей өлкисидин йиғинға келиши бәлгиләнгән 120 нәпәр вәкилниң коммунист партийә әмәлдари яки партийә әзаси әмәслири йоқ, ‏-‏- дәп баян қилиниду 'йеңи әср журнили'да елан қилинған бир мулаһизидә, ‏- 'хәлқ вәкили' дегән сөзниң мәнисидин қариғанда, у хәлқ сайлап чиққан, хәлққә вәкиллик қилидиған киши. Әмма хитайда 'вәкил' дәп йиғинға келидиғанлар асасән хитай коммунист партийиси өзи бәлгиливалған, хитай коммунист партийисигә вәкиллик қилидиған, хитай коммунист партийиниң хәлиқни бастуридиған сиясәтлири үчүн хизмәт қилидиған кишиләр.

Бәзи вәкилләрниң инкаси

'Бошүн тор бети'дә баян қилинишичә, һәр йили икки чоң йиғин үчүн наһайити көп пул хәҗлиниду, ‏- дәйду хебей өксидин бәлгиләнгән сияси кеңәш әзаси, демократик партийиләр вәкили ваң фулин, ‏- йиғинниң дағдуғиси, һәйвиси наһайити чоң, йиғин үчүн сақчи аптомобиллири йол ачиду, йиғинни сақчилар қоғдайду. Әмәлийәттә хәлқни биарам қилиду. Һәр бир вәкилниң һәр күнлүк тамақ пулила 100 юәндин ашиду. Йиғин мәзгилидә қанташ җиддийликидин нурғун адәмниң шәхсий тапавити йоқ болиду. Буни ойлисам йиғинға қилинған биһудә чииқмға ичим ағрийду. ‏

- Сиясий кеңәш әзаси дейилгән кишиләрниң хели көп сандикилири 'алаһидә етибар бериш' намида бәлгиләнгән кишиләр, ‏- дәйду оттура җуңго малийә университетиниң 68 яшлиқ профессори, ‏-‏- әмәлийәттә бундақ бир қисим кишиләрниң җәмийәттә һечқандақ роли йоқ, мушундақ кишиләр билән ечилған икки чоң йиғин пәйда қилған қатнаш җиддийликидин биарам болған хәлқ бу вәкилләрни тиллаватиду, бәзи ар-номуси бар вәкилләр сәт аһанәтни аңлиғанда өзини қойғили йәр тапалмайду. (Вәли)