Dinsiz xitay bilen xristi'an amérikiliqning ilah heqqidiki dé'alogi neshrdin chiqti

• Muxbirimiz welining bu heqtiki toluq melumati
• Download story audio

Birleshme agéntliqining béyjingdin xewer qilishiche, kommunist xitay hökümitining sabiq dölet kabinéti bayanatchisi, hazir xitay meslihetchiler komitétining ezasi jawchijéng ependi bilen amérikiliq injil wezchisi luys palaw ependi yéqinda 'ilah' ning bar yaki yoqliqi heqqide ikki kün munazire qilghan. Dinsiz jaw ependi injil wezchisi palaw ependidin 'ilah' ning mewjut ikenlikini tejribixanida ispatlap körsütüp bérishini telep qilghan. Injil wezchisi palaw ependimu dinsiz jaw ependin 'ilah'ning mewjut emeslikini ispatlap körsütüp bérishni telep qilghan. Ular her ikkisi shundaq qilidighanliqini bildürgen.

"Östeng boyidiki söhbet: dinsiz bilen xristi'anning dostane dé'alogi"

Xewerde bayan qilinishiche, bu ikki erbab öz ara sözliship munazire qiliwatqili 18 ay bolghan bolsimu, peqet ularning yéqinda ötküzgen ikki künlük munazirisila xitayda retlinip "östeng boyidiki söhbet: dinsiz bilen xristi'anning dostane dé'alogi" dégen 140 betlik bir kitap bolup neshrdin chiqti. Bu kitabining xitaychisi 10 ming nusxa, in'gilizchisi 2000 nusxa bésilghan. 'Yéngi dunya neshriyati'ning bashliqi jawjun ependining bayan qilishiche, bu kitablar dukan'gha sélin'ghan haman sétilip tügigen.

Jaw bilen palaw ependiler öz ara qoshulidighan nuqtilar bar, qoshulmaydighan noqtilarmu bar xewerde bayan qilinishiche, hazir jaw bilen palaw ependiler öz ara qoshulidighan noqtilarmu bar, qoshulmaydighan noqtilarmu bar. Dunya qarshi bir -birige tüptin oxshimaydighan bu ikki kishining rastchilliq bilen, bir-birini hürmet qilishqan halda, öz köz qarashlirini éniq bayan qilip munazire qilghanliqining özila bir ghelibe, ‏-‏-‏- deydu amérikining origin shtatidiki portlendi shehiridin kelgen injil wezchisi palaw ependi 28 ‏- awghust küni échilghan axbarat yighinida. Xitaydiki dinsiz jaw ependimu buni quwwetleydu. Uning bayan qilishiche, diniy zatlar bilen dinsiz zatlar arisida di'alog arqiliq biri - birini chüshünüsh diniy étiqadi oxshimaydighan xelqler üchün bir yéngi yol. Bu qétimqi söhbette otturigha qoyulghan noqtilar diniy jehette bir- birini chüshenmeydighan xelqning öz ara chüshenche hasil qilishini ilgiri süridu. Emma hazir bu ikki kishi birlikke kélelmeywatqan eng murekkep mesile ‏-‏- alemning qandaq peyda bolghanliqi we 'ilah' ning nede ikenlikini bilish mesilisidin ibaret.

Bir Uyghurning bayani jaw ependining sözini ret qilidu

Xewerde bayan qilinishiche, amérikiliq xristiyan palaw ependi 'xitaydiki hökümet dinsizlar hökümiti, bu hökümet xitayda diniy ibadetlerni chekleydu' dégende, xitaydiki dinsiz jaw ependi bolsa 'xitay hökümiti diniy étiqadni basturmaydu ' dégen. Radi'omizning heqsiz liniyisi arqiliq téléfon qilghan bir Uyghurning bayani jaw ependining bu sözini ret qilidu. (Weli)