Amérika dölet mejlisi xitaygha qaratqan qoral imbargosi sewebidin yawrupani agahlandurdi


2005-03-03
Share

Mushu bir ikki kündin béri amérika metbu'atlarda, amérika prézidénti jorj w bush bilen amérika dölet mejlisi rehberlirining birlikte yawrupa birlikining xitaygha qaratqan qoral cheklimisini bikar qilishigha qarshi turghanliqi we shuningdek amérika dölet mejlisining xitaygha qoral sétip bérishke qoshulghan yawrupa döletlirige jaza qollindighanliqi heqqidiki heqqidiki xewerler köp élan qilindi .

Amérika dölet mejlisining tashqi ishlar munasiwitige mes'ul bir qanche rehber seyshenbe küni aq saraygha kélip, prézidént jorj bush bilen körüshkendin kéyin, metbu'atlarda ochuq bayanat élan qilip, "eger yawrupa birliki özining iqtisadiy menpe'etini közde tutup, xitaygha qaratqan qoral imbargosini bikar qilishni qarar qilsa, ular tamamen xatalashqan bolidu" dégen ipadisini ashkarilidi.

Amérika dölet mejlisi kéngesh palatasi tashqi ishlar munasiwet komitétining re'isi richard lugar muxbirlarni kütüwélish yighinida " eger yawrupa birliki heqiqeten mezkur qoral imbargosini bikar qilsa, amérika dölet mejlisi munasiwetlik qanun lahiyisidin paydilinip, amérikining nöwette yawropani türlük téxnika mehsulatliri shuningdek üsküniler bilen teminlesh imtiyazini chekleydighanliqini, hetta yawrupadiki köpligen döletlerning amérika bilen tüzgen soda alaqe pilanlirida chong özgürüshlerning meydan'gha kélidighanliqini" tekitlidi.

Amérika dölet mejlisi kéngesh palatasi tashqi ishlar munasiwiti komitétining , yawrupa ishliri bashqarmisining re'isi George Allen ning bildürüshiche, amérika bilen yawrupa hazir intayin köp herbiy hemkarliq munasiwet türliri ornatqan bolup, buning ichide yéngi tiptiki urushchi ayropilan tetqiq qilish kélishimi bar iken, eger yawrupa birliki xitaygha qaratqan qoral imbargosini bikar qilsa, undaqta amérika dölet mejlisi qanun lahiyisi boyiche amérikining yawrupa bilen bolghan herbiy munasiwitini üzüp tashlaydiken.

Amérika dölet mejlisining kéngesh palatasi tashqi ishlar munasiwiti komitétida eng yuqiri orunni igiligen dimokratlardin hésablan'ghan joséf baydénning qarashliri yuqirqi kishiler bilen birdek bolup, joséf baydén muxbirlarni kütiwilish yighinida: " yawrupa birlikining xitaygha qaratqan qoral imbargosini bikar qilish pilanini , amérika dölet mejlisi tamamen qobul qilalmaydu, eger yawrupa ittipaqi özining bu qararida ching tursa, undaqta amérika bilen yawrupaning herbiy, tashqi we iqtisadiy munasiwetliri ziyan'gha uchiraydu" dep körsetti.

Joséf baydén sözide yene, yawrupa birlikining bu mesilini yaxshi tonup yétishini ümit qilidighanlqini bildürüp: " eger bu mesilide yawrupa birliki amérika bilen bir terepte tursa, atlantik okyanning ikki qirghiqining iqtisadi we bixeterlik menpe'etige kapaletlik qilghili bolidu" dep tekitlidi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet