Yawrupa birliki, qoral imbargosini bikar qilishta amérikining qoshulushini qolgha keltürüsh üchün tirishmaqta


2005-03-11
Share

Fransiyining mudapi'e ministiri mishél alli'ot meréning éytishiche, yawrupa birlikining wekiller ömiki, amérikining ali derijilik xadimliri we parlamént ezaliri bilen söhbetliship, xitaygha qaritilghan qoral imbargosini bikar qilish mesilisini muzakire qilidiken.

Biraq nöwette amérikining bir qisim parlamént ezaliri "eger yawrupa birliki xitaygha qaratqan qoral imbargosini bikar qilsa, amérika yawrupa bilen bolghan soda munasiwitide öch élish tedbirlirini ishlitidu" dégen agahlandurushni otturigha qoymaqta.

Mishél alli'ot meré sözide yene, yawrupa birliki wekiller ömikining bu qétimqi söhbet arqiliq, amérika xadimlirining bu mesilige qarita pozitsiyisini yumshutishini ümid qilidighanliqini bildürdi.

Amma amérika dölet xadimliri'ing qarishiche, xitaygha qarita qoral imbargosini bikar qilish, xitay armiyisining zamaniwilishishigha yol échipla qalmastin belki xitayning kishilik hoquq mesiliside xata signal bérip qoyushtek yeni mundaqche éytqanda xitayda yüz bériwatqan kishilik hoquq nuqsanlirigha köz yumush xataliqi sadir qilishtek mesililer meydan'gha kélidiken.

Yawrupa birliki 1989 -yili xitay da'irlirining oqughuchilar démokratik herkitini qoralliq basturush qilmishigha jaza bérish üchün, xitaygha qarita qoral imbargosi yolgha qoyghan idi .

Amérika prézidénti jorj bush yawrupani ziyaret qilghan waqitta, fransiye prézidénti jek shirak bilen bu mesile üstide söhbetleshken bolup, prézidént bush: "otturdiki ixtilaplarni tügitish üchün, yawrupa birliki choqum amérika parlaméntining, xitaygha qarita qoral imbargosini bikar qilish pilanigha qoshulushini qolgha keltürüsh kérek" dep körsetti.

Xitayning xelq qurultiyida maqullashqa sunulghan "döletni parchilashqa qarshi qanun" layihisi, bir qisim kishilerning neziride biwaste teywen'ge qaritilghan iken. Nöwette teywende bolsa "teywen musteqilliqi" kündin - kün'ge kücheymekte.

Küzetküchiler yene "prézidént bush bilen prézidént shirakning qoral imbargosini bikar qilish heqqide ötküzgen söhbiti hemde fransiye dölet mudapi'e minisitirining peyshenbe küni washin'gtonda élip barghan ziyariti, amérika bilen fransiye ikki dölet munasiwitining yaxshilinishigha yol achti" diyishmekte. Ikki yil burun yüz bergen iraq urushi sewebidin amérika - fransiye munasiwiti yirikleshken idi.

Peyshenbe küni échilghan muxbirlarni kütüwélish yighinida, fransiye dölet mudapi'e minisitiri shishél alli'ot meré bilen amérika dölet mudapi'e minisitiri ramisféld birlikte, amérika - fransiye ikki terepning bir qisim mesillerde ortaq pikirge ige ikenliki, bolupmu süriyining liwandin qoshunlirini lip chiqip kétish mesilisi we buningdin sirt ikki terep armiyisining afghanistandiki hemkarliq mesilliride alahide ittipaqlashqanliqini tekitlidi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet