Хитай кишилик һоқуқ паалийәтчилири, қорал чәклимисини бикар қилишқа қәти қарши чиқти


2005-03-24
Share

500 Дин артуқ, хитай кишилик һоқуқ паалийәтчилириниң яврупа бирликигә хитайға қарита қорал чәклимисини бикар қилмаслиқ һәққидә язған очуқ хетидә мундақ дейилгән:

"Хитай һөкүмити изчил түрдә кишилик һоқуққа еғир дәриҗидә бузғунчилиқ қилип келиватиду, яврупа бирлики бундақ шараитта қорал чәклимисини һәргиз бикар қилмаслиқи керәк, ундақ болмайдикән буниңда хата сигнал берилип, сода мәнпәәтиниң кишилик һоқуқтин үстүн орунни игиләватқанлиқ ипадиси шәкиллиниду".

яврупа бирликигә, қорал чәклимисини бикар қилмаслиқ һәққидә йезилған очуқ хәткә "тйәнәнмин анилар һәрикити" ниң 125 нәпәр әзаси билән 4 - июн оқуғучилар һәрикитиниң рәһбәрлири шуниңдәк хитай демократик һәркитиниң 400 дин артуқ әзалири қол қойған һәмдә йәнә хитайниң мәшһур кишилик һоқуқ сәркәрдиси, 4 - июн оқуғучилар һәрикитиниң рәһбири ваңдәнму қол қойған.

Ваңдән, әнгилийә б б с радио - телевизийә ширкитиниң зияритини қобул қилип: " 89 - йилдики вәқә тәлтөкүс ақланмиди, мушундақ әһвал астида яврупа бирликиниң хитайға қарита қорал чәклимисини бикар қилишиға һечқандақ асаси йоқ" деди.

Ваңдән сөзидә йәнә: " ғәрб дөләтлири хитай билән алақә орнатқанда, хитайниң хәлқ игилики тәрәққиятини йүксәлдүрүш билән биргә адди пуқраларниң һоқуқ мәнпәәтини яхшилашқа түрткә болиши керәк" дәп тәкитлиди.

яврупа бирликиниң ташқи ишлар комиссари хавер солана, чаршәнбә күни бурусселда өткүзүлгән юқири дәриҗилик әмәлдарларниң учришиш йиғинида, 1989 - йили хитайға берилгән қорал чәклимисини давамлаштурушниң адиллиқ һисапланмайдиғанлиқини чүнки һазир хитайда кишилик һоқуқниң бир қәдәр яхшиланғанлиқини билдүрди.

Амма, хитай кишилик һоқуқ паалийәтчилири хитайдики кишилик һоқуқ вәзийитиниң һечқандақ өзгириш ясимиғанлиқини билдүрмәктә. Кишилик һоқуқ паалийәтчилири йәнә, хитай һөкүмитидин сиясий өктичиләрни қоюп беришни вә 1989 -йили хитай әскәрлириниң тйәнәнмин димократик һәрикитини қораллиқ бастуруш қилмиши үстидин тәкшүрүш елип беришини тәләп қилди.

Ваңдән хитайниң кишилик һоқуқ вәзийити һәққидә тохтилип: " әгәр хитай димократийә вә кишилик һоқуқ қурулмиси асасида тәрәққи қилмиса, қанчилик қудрәтлик бир дөләт болғини билән, дуня тинчлиқиға тәһдит елип килидиған, яврупа мәнпәәтигиму зиян йәткүзидиған бир йолға қарап маңиду халас"диди.

Бу арида, әнгилийә парламентиниң 4 нәпәр әзаси әнгилийә һөкүмитини, яврупа бирликиниң қорал чәклимисини бикар қилиш пиланини қоллимаслиққа чақирди.

Буниңдин илгири, әнгилийниң ташқи ишлар министири җәк страв, бейҗиң тәйвәнгә қарита "дөләтни парчилашқа қарши туруш қанун" ни түзүп чиқти. Бу әһвал астида қорал чәклимисини бикар қилиш техиму еғир қийинчилиқларни кәлтүрүп чиқириду, дегән иди.

"Нйо - йорк вақти гезити" сәйшәнбә күни, яврупа бирликиниң америкиниң бесими астида хитайға қаратқан қорал чәклимисини бикар қилиш пиланини кәйнигә сүргәнликини елан қилди.

Хитайға қаритилған қорал чәклимисини бикар қилиш пилани, америка вә бир қисим яврупа дөләтлириниң наразилиқини қозғиғандин кейин, яврупа бирликиниң иккилинишини мәйданға кәлтүргән болуп, күзәткүчиләр "500 нәпәр хитай кишилик һоқуқ паалийәтчисиниң бу һәққидики тәлипи, яврупа бирликиниң қорал чәклимисини бикар қилиш пиланини йәниму чоңқур ойлинишиға йол ачиду", дейишмәктә. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт