Uyghur oqughuchilarning kesp we mektep tallashta köp tereplime cheklimige uchrishi heqqide qarashlar


2007-06-13
Share

Bu yilliq aliy mekteplerge tallash imtihani axirlashqandin kéyin, oqughuchilar hemde ularning ata- aniliri yene mektep hemde kesp tallashtek ikkilinidighan qaymuqushluq bir mezgilni bashtin kechüridu . Gerche Uyghur we bashqa az sanliq millet oqughuchiliri xitay oqughuchilar bilen birla waqitta oxshash telep boyiche imtihan bersimu, emma Uyghur oqughuchilar imtihan netije cheklimisidin bashqa yene mektep hemde kesp tallash yolliridimu tosalghu , shuningdek türlük cheklimilerge uchrap kelmekte.

Oqughuchilar mekteplerni tallashni axirlashturdi

Bu yilliq aliy mekteplerge qobul qilish memliketlik bir tutash imtihani xitayda 7 - iyun we 8 -iyun ikki kün dawamlashti . 10 - Iyundin bashlap 12 - iyun'ghiche bolsa oqughuchilar öz arzuliri boyiche kesp hemde mekteplerni tallashni axirlashturdi. Emdilikte ular imtihan netijisini teqezzaliq bilen kütmekte.

25 - Iyun küni memliket boyiche aliy mekteplerge qobul qilish imtihan chéki hemde imtihan netijiliri biraqla élan qilinmaqchi. Xitay, jümlidin Uyghur élidiki adettiki aliy mektepler 6 - iyuldin bashlap resmi oqughuchi qobul qilishqa bashlaydu.

Kesip hemde mektep tallashtin ibaret bu ötkel yene bir muhim sinaq

Arzu toldurush yeni kesip hemde mektep tallashtin ibaret bu ötkel , aliy mektepke imtihan bergen oqughuchilar üchün yene bir muhim sinaq hemde riqabet meydani hésablinidu.

Arzu toldurush jedwilini toldurush aldida her qandaq bir aliy mektepke imtihan bergüchi oqughuchi ikkilenmey qalmaydu , chünki ular özining imtihan netijisini texmin qilish asasida qiyas qilghan netijisi da'irisi ichide mektep hemde yaqturghan kesiplirini tallaydu. Biraq Uyghur oqughuchilar bu jeryanda téximu jiq ikkilinish we tosalghugha duch kélidu .

Buning sewebliri heqqide kanadada turushluq ruqiye xanim bilen amérikidiki tarix penliri doktori qahar barat qatarliq Uyghur ziyaliyliri öz qarashlirini otturigha qoydi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet