Исмаил тиливалдиниң уйғур елидики муқимлиқ мәсилиси һәққидә қилған сөзигә инкаслар


2007.03.12

Бейҗиңда хитай хәлқ қурултийиға қатнишиватқан исмаил тиливалди мәзкур йиғин җәрянида мухбирларниң зияритини қобул қилишта, уйғур елиниң һазирқи вәзийити һәққидә тохтилип, " шинҗаңниң муқимлиқ вәзийити наһайити яхши боливатиду, һәр милләт бирликтә бөлгүнчилик вә террорлоқ һәрикәтлиригә қарши туруп, муқимлиқни сақлимақта " дәп көрсәткән. У йәнә уйғурларниң турмуш шараити күндин ‏- күнгә яхшилинип кетиватиду дәп тәкитлигән.

Бейҗиңдики қурултайға қатнишиватқан қәшқәр вилайитиниң партком секретари ши дагаң болса, уйғур елидики террорчилиққа вә бөлгүнчиликкә қарши туруш һәрикәтлири һәққидә тохтилип, бу йил 1 ‏- айда уйғур елидики җамаәт хәвпсизлик идариси тәрипидин елан қилинған террор гумандарлириниң 18 ‏иниң етип өлтүрүлүп, 17 синиң қолға елинғанлиқини алаһидә тәкитлигән һәмдә етип өлтүрүлгән вә қолға елинған бу уйғурларни "әлқаидә билән йиқин мунасивити бар. Уларниң мәқсити террорлуқ вә бөлгүнчилик қилип, дөлитимизниң бихәтәрликигә зиян селиш "дәп көрсәткән.

Исмаил тиливалди вә ши дагаңниң бу дегәнлири чәтәлдики уйғур җәмийитиниң қаттиқ наразилиқини қозғимақта. Радиомизниң зияритини қобул қилған дуня уйғур қурултийиниң баянатчиси дилшад ришит әпәнди вә вашингтонда турушлуқ хитай ишлири тәтқиқатчиси даймәнд лю ханим бу һәқтә пикирлирини оттуриға қойди. (Меһрибан)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.