Isma'il tiliwaldining Uyghur élidiki muqimliq mesilisi heqqide qilghan sözige inkaslar

• Muxbirimiz méhribanning bu heqtiki toluq melumati
• Download story audio

Béyjingda xitay xelq qurultiyigha qatnishiwatqan isma'il tiliwaldi mezkur yighin jeryanida muxbirlarning ziyaritini qobul qilishta, Uyghur élining hazirqi weziyiti heqqide toxtilip, " shinjangning muqimliq weziyiti nahayiti yaxshi boliwatidu, her millet birlikte bölgünchilik we térrorloq heriketlirige qarshi turup, muqimliqni saqlimaqta " dep körsetken. U yene Uyghurlarning turmush shara'iti kündin ‏- kün'ge yaxshilinip kétiwatidu dep tekitligen.

Béyjingdiki qurultaygha qatnishiwatqan qeshqer wilayitining partkom sékrétari shi dagang bolsa, Uyghur élidiki térrorchiliqqa we bölgünchilikke qarshi turush heriketliri heqqide toxtilip, bu yil 1 ‏- ayda Uyghur élidiki jama'et xewpsizlik idarisi teripidin élan qilin'ghan térror gumandarlirining 18 ‏ining étip öltürülüp, 17 sining qolgha élin'ghanliqini alahide tekitligen hemde étip öltürülgen we qolgha élin'ghan bu Uyghurlarni "elqa'ide bilen yiqin munasiwiti bar. Ularning meqsiti térrorluq we bölgünchilik qilip, dölitimizning bixeterlikige ziyan sélish "dep körsetken.

Isma'il tiliwaldi we shi dagangning bu dégenliri chet'eldiki Uyghur jem'iyitining qattiq naraziliqini qozghimaqta. Radi'omizning ziyaritini qobul qilghan dunya Uyghur qurultiyining bayanatchisi dilshad rishit ependi we washin'gtonda turushluq xitay ishliri tetqiqatchisi daymend lyu xanim bu heqte pikirlirini otturigha qoydi. (Méhriban)