Хитай, дуня бойичә интернет тор бәтлирини әң қаттиқ контрол қиливатқан дөләт

• Мухбирмиз меһрибанниң бу һәқтики мәлумати
• Download story audio

Хитай һөкүмитиниң мәтбуат вә интернет тор бәтлирини қаттиқ контрол қилиши чегрисиз мухбирлар тәшкилати вә мухбирларни қоғдаш комитети қатарлиқ хәлқара тәшкилатларниң қаттиқ әйиблишигә дуч кәлмәктә. Лекин йеқинда хитай ташқи ишлар министирлиқиниң баянатчиси чин гаң бу һәқтә нурғун баһаниләрни көрситип, хитай һөкүмитиниң интернет тор бәтлирини ишлитиш мәсилисидә зор чәклимиләрни қоюватқанлиқиға көз юмуп, хитайдики интернет тор бәтлирини " наһайити нормал вә сағлам һалда тәрәққи қилмақта" дәп җакарлиған.

Хитай ташқи ишлар министирлиқиниң хитайдики интернет тор бәтлириниң һөкүмәт тәрипидин қаттиқ контрол қилиниватқанлиқиға көз юмуши нурғунлиған кишиләрниң қаттиқ наразилиқини вә нәпритини қозғимақта. Бу һәқтә америкида турушлуқ уйғур зиялийси сидиқ һаҗи әпәнди зияритимизни қобул қилип, өз көз қарашлирини баян қилди.