Iranning yadro qoral pilani heqqidiki yéngi inkaslar

Yéqindin buyan iran mesilisi xelq'aradiki bir "Ot noqtisi" bolup qaldi. Bügün uchur wastiliri iranning yadro qoral pilani heqqidiki yéngi bayanat, söhbet we mulahizilerni élan qildi.
Muxbirimiz weli
2012-01-20
Élxet
Pikir
Share
Print
Sürette rusiye tashqi ishlar ministiri yuri kadobnow 18 - yanwar küni iran'gha qarita qoyuliwatqan soda cheklesh siyastige qarita özining qarishini otturigha qoymaqta.v
Sürette rusiye tashqi ishlar ministiri yuri kadobnow 18 - yanwar küni iran'gha qarita qoyuliwatqan soda cheklesh siyastige qarita özining qarishini otturigha qoymaqta.v
AFP

"Nyuyork taymis" gézitining bayan qilishiche, amérika qisimliri bash shitabining bashliqi, général martin démpsey bügün isra'iliyini ziyaret qildi. Perez qilinishiche, général martin isra'iliye da'iriliri bilen iran mesilisi üstide söhbetliship, isra'iliyini dunya bilen birlikte heriket qilishqa ündeydu. Uchurlardin melum bolushiche, isra'iliye da'iriliri yéqinda, dunyaning iran'gha ishletken bsimining ünümi bolmidi, dégen qarashni otturigha qoyghan idi.

Uchur arxiplirigha qarighanda, yadro qorallirining tarqilip kétishidin saqlinish toghrisidiki xelq'araliq kélishm amérika, rusiye, en'giliye, fransiye we xitaydin ibaret besh döletnila yadro döliti dep étirap qilidu. Emma hazir hindistan, pakistan, shimaliy koriyilerning yadro qorallarni tereqqi qilduruwatqanliqi dunyagha sir emes. Buningdin bashqa yene, isra'iliyinimu yadro qorallirigha ige dölet deydighan köz qarash mewjut.

Fransye agéntliqining bayan qilishiche, fransiye prézidénti nikolas sarkozi bügün dunyani, iranning yadro qoral pilani mesilisini hel qilish üchün téximu küchlük tedbir qollinishqa chaqirdi. Uning bayan qilishiche, iranni yadro qoral pilanidin waz kechtürüshte, herbiy toqunushtin saqlinidighan birdin - bir yaxshi chare - iranni iqtisadiy jazalashni kücheytish, yeni irandin néft sétiwélishni toxtitish we iranning merkizi bankilar bilen bolghan alaqisini pütünley üzüp tashlash.

Fransiye tashqi ishlar minisitiri alayn juppéning éytishiche, yawropa birliki 1 - ayning 23 - küni )kéler düshenbe küni( iran néfitini bayqut qilish we iranning chet'el bankiliridiki mülkini tonglitish charisini élan qilidu.

B b s ning bayan qilishiche, iranning yadro qoral pilani mesilisi dunyaning jiddiy mesililer kün tertipige kirgüzülgendin kéyin, néfit importining 58% i irandin kélidighan, néfitke érishish üchün iran, süriyilerning öz xelqini qoralliq basturushini izchil qollap kéliwatqan xitayning bash ministiri wén jabaw, 1 - ayning 14 - künidin 19 - künigiche, iranning tehditige uchrawatqan se'udi erebistani, qatar we ereb xelpilikidin ibaret üch döletni ziyaret qildi. Bu döletler iranning hormuz qultuqini taqash toghrisidiki tehditining tesirige uchrawatqan döletler idi.

Xewerde éytilishiche, xitay bash ministiri wén jabaw ottura sherq ziyaritidin kéyin, bügün élan qilghan bayanatida, iranning yadro qorallarni tereqqi qildurushigha qet'iy qarshi turidighanliqini shundaqla iran mesilisini herbiy waste arqiliq hel qilishqimu qarshi turidighanliqini jakarlidi. Wén jabawning éytishiche, iran'gha herbiy waste qollinilsa, bu, ottura sherq döletlirining teqqiyatigha dexli qilghanliq we dunya iqtisadigha, dunyaning muqimliqigha xewp yetküzgenlik bolidiken. Xitay ijtima'i penler akadémiyisining tetqiqatchisi yü goching, wén jabawning bayanatini chüshendürüp, xitay hergiz iranni dep dunya bilen yatlashmaydu, dégen.

Shinxu'a agéntliqining moskwadin bayan qilishiche, rusiyining téxnika tarmaqliri bügün, irandin S - 300 belgilik ayropilan atidighan bashqurulidighan bomba üchün alghan dugwar pulni qayturidighanliqini jakarlighan. Xewer arxiplirigha qarighanda, b d t 2010 - yili 6 - ayda mexsus mushu mesilisde bir qarar chiqirip, moskwani eyibligendin kéyin, rusiye da'iriliri iran bilen tüzgen dugwarni emeldin qaldurushqa qoshulghan idi.

Roytrs agéntliqining bayan qilishiche, kündilik néfit serpiyatining 30%i irandin import qilinidighan türkiyimu, bügün "Zaman géziti" arqiliq ipade bildürüp, yawropa birlikining iran'gha qarita néfit imbargosi qilish charisini toluq orunlaydighanliqini bildürdi. Türkiye da'iriliri yéqindin buyan, iran'gha néfit imbargosi qollinilsa kamlap kétidighan kündilik néfit serpiyatini, se'udi erebistani qatarliq döletler arqiliq toldurush üchün söhbet oyushturuwatidu.

Toluq bet