Kofi anan amérikining iraqqa hujum qilishi " qanunsiz" heriket dédi

Birleshken döletler teshkilatining bash katibi kofi anan charshenbe küni b b s radi'o tiliwiziye shirkitining muxbiri bilen ötküzgen söhbtide, iraqning amérika herbiy qsimliri teripidin ishghal qilinishining birleshken döletler teshkilatining nizamnamisige asasen " qanunsiz" bir heriket ikenlikini körsitip , bu heriketning qanunluq bolishi üchün birleshken döletler teshkilati bixeterlik kingishidin ikkinchi bir qarar chiqishi kirek idi, didi .

Kafi ananning bu sözliri prézdént bush hökümitini qattiq bi'aram qiliwetti . Prézdént bush peyshenbe küni bayanat élan qilip, birleshken dwletler teshkilatining amérikining iraqni ishghal qilish herikitini maqullighanliqini bildürdi . Uning étishiche, birleshken döletler teshkilati bixeterlik kingishining -2002 yili noyabir iyida qobul qilghan -1441 numorluq qarari iraqning ishghalining qanunluq bir heriket ikenlikini körsitidiken . Birleshken döletler teshkilati bixeterlik kingishi mezkur qararida sadam höse'inini agahlandurup , eger u keng kölemlik yoqutush xaraktérlik qorallargha ige bolush pa'aliyitini dawamlashtursa, jiddi aqiwetlerge duch kilidighanliqini tekitligen .

Gerche, prézdént bush, iraqqa urush ichish mesilside birleshken döletler teshkilati bixeterlik kingishige ikkinchi bir qarar layihsi sunidighanliqini bildürgen bolsimu , likin, fransiye we rusye qatarliq döletlerning bu qarargha qarshi chiqishdin endishe qilip, ikkinchi qarar layihesi sunush pikridin waz kechken idi .

Birleshken döletler teshkilatining bash katibi kafi ananning qarishiche , prézdént bushning iraqqa urush échish toghrisida bixeterlik kingéishige ikkinchi birqararni sunmighanliqi, iraqning ishghal qilinishining " qanunsiz" bir heriket ikenlikini körsitidiken .

Emma, prézdént bush hökümitining bayanatchisi, sikot maklilan we amérika tashqi ishlar minstirlikining bayanatchisi richard bawcher, birleshken döletler teshkilati bixeterlik kingéishining iraq toghrisida alghan 1441 - nomorluq qararining amérikining iraqni ishghal qilishi üchün yiterlik ikenlikini, amérikining iraqqa qarshi urush échish üchün qaytidin birleshken döletler teshkilati bixeterlik kingishidin ikkinchi bir qarar chiqirish kirek emeslikini bildürdi .

Iraqta keng kölemlik yoqutush xaraktérlik qorallarning tipilmighanlighi, prézdént bushni qyin ehwalgha chöshürüp qoymaqta . Chünki sadam höseyinning keng kölemlik yoqutush xaraktérlik qorallargha ige ikenliki prézdént bushning iraqni ishghal qilish üchün körsetken eng chong sewebi idi . Shundaqla iraqta ölgen amérika eskerlrining sanining kündin - kün'ge köpiyishi prézédnt bush ning mushu yil noyabir'iyida amérikida ötküzülidighan prézdént saylimida qaytidin prézdént bolup saylinish ümitini azaytmaqta.

Mutexesisilerning bildürüishche, birleshken döletler teshkilatining bash katibi kafi ananning iraqning amérika bashchilighidiki ittipaqdash armiye qsmliri teripidin ishghal qilinishini birleshken döletler prinsipliri boyiche qanunsiz bir heriket dep körsetkenliki, amérika bilen birleshken döletlerteshkilatining iraq mesilside hemkarlishishini qyinlashturup, amérika prézédnti bushni amérikida prézdént saylimi yiqinlishiwatqan bir peyitte, tiximu ighir ehwalgha chüshürüp qoyishi mumkin iken. Ular ning iéytishiche, kafi ananning bayanati iraqtiki qarshilashquchi qoralliq küchlerning, özlirining iraqtiki amérika we ittipaqdash döletlerning herbiy qsmlirigha qarita ilip biriwatqan herikitini heqliq bir heriket dep körsitishige purset yaritip birishi mumkin .

Digendek , iraqtiki amérika qsmlirigha qarshi qoralliq heriket élip biriwatqan radikal shi'elerning rehbiri muqteda elsedirning bayanatchis abdil hadi draj , peyshenbe küni bergen bayanatida, birleshken döletler teshkilatining bash katbi kafi ananning amérikining iraqni ishghal qilishini qanunsiz heriket dep körsetkenliki, iraq xelqining ishghalgha qarshi körishining heqiliq bir köresh ikenlikini ispatlaydu,- didi . (Qanat)