Amérika iraqtki herbiy qisimlirining sanini köpeytidighanliqni jakarlidi

2004-12-02

Amérika hökümiti charshenbe küni, iraqtiki amérika qisimlirining sanini köpeytidighanliqini jakarlidi. Amérika hökümet xadimlirining bildürüshiche, iraqqa qoshumche herbiy qisimlar ewetish, iraqta kiler yili 30 - yanwar küni ötküzülishi pilanlan'ghan omumi saylam harpisida we saylam jeryanida bixeterlik weziyitini kücheytishini meqset qilidiken .

Amérika herbiy xadimlirining éytishiche, nöwette iraqta 138 ming neper amérika eskiri mewjut bolup, washin'gton iraqtiki herbiy qisimlirining sanini150 ming kishige köpeytishni qararqilghan . Yeni iraqqa yene 12 ming esker ewetishni pilanlighan .

2003 - May éyida prézidént bush iraq urushining ghelibilik ayaqlashqanliqini jakarlighinida, iraqtiki amérika qisimlirining sani 148 ming neper etrapida idi .

Xata mölcherlen'gen

Analizchilarning éytishiche, amérika hökümitining , prézidént bushning iraq urushining ayaqlashqanliqini jakarlishidin bir yérim yil ötkendin kéyin, iraqqa qoshumche esker ewetishni qarar qilghanliqi, amérika herbiy pilanlighuchilirining iraqta urushtin kéyin bundaq qattiq bir qarshiliqqa uchirashni tesewwur qilmighanliqini körsitidu.

Fransiye agéntliqining xewer qilishiche, gerche amérika herbiy xadimliri, iraqqa qoshumche esker ewetish waqitliq bir ish, saylamdin kéyin iraqtiki amérika qisimlirining sani 138 ming neper ge chüshürülidu dep tekitlewatqan bolsimu, emma herbiy mutexessisler, amérika hökümitining bu yil april éyidin biri iraqtiki herbiy qisimlirining sanini peydin - pey köpeytiwatqanliqini bildürmekte .

Bashqa dölet qisimliri chékinip chiqmaqta

Xewerlerge qarighanda, amérikining iraqqa qoshumche 12 ming esker ewetishining bashqa seweblirimu bar iken . Iraqqa herbi qisimlirini ewetken bezi döletler, ichiki siyasiyi bésimlar sewebidin iraqtin eskerlirini chékindürüp chiqishni teshebbus qilmaqta.

Mesilen, gollandiye hökümiti iraqqa ewetken 1300 neper eskirini kiler yili mart éyining otturilirida iraqtin chikindüridighanliqini bildürdi. Shundaqla win'giriye hökümiti dikabir éyining otturida iraqta turushluq 300 neper herbiy qisimini iraqtin chékindüridighanliqini élan qildi .

Mutexessislerning yétishiche, amérika hökümitining iraqtiki eskerlirining sanini köpeytishining yene bir sewebi , iraqqa esker ewetken bashqa ittipaqdash döletlerning iraqtin eskerlirini chikindürüsh ihtmalliqigha qarshi teyyar turusht we iraqtiki qarshilashquchi küchlerge qarita élip bériwatqan herbiy heriketni üzlüksiz dawamlashturushtin ibaret . Iraqtiki qarshilashquchi küchlerning eng muhim bazisgha aylan'ghan felluje shehirini qaytidin ishghal qilip, ularni eng muhim bazisidin mehrum qaldurghan amérika herbiy qisimliri , nöwette qarshilashquchi küchlerning yene birer sheherni özlirige baza qiliwilishining aldini élish üchün jiddi pa'aliyet élip barmaqta.

Amérika öz aldigha hel qilalmaydu

Emma sabiq iraqtiki ittipaqdash küchlerning milliy bixeterlik meslihetchilirining biri bolghan diwid gompert charshenbe küni jenwe de ichilghan bir yighinda söz qilip , amérika qisimlirining iraqtki toqunushlarni öz'aldigha bisiqturalmaydighanliqini bildürdi. Gumpert, iraqta toqunushlarni toxtutup , bixeterlik we muqimliqni qaytidin tiklesh üchün , xelqning qollishigha irishken qabiliyetlik iraqliqlardin teshkil tapqan bir herbiy we bixeterlik qisimliri qurup chiqish kirek, didi .

Uning éytishiche, eger -30 yanwar küni iraqta umumiy saylam ötküzülmise, bu iraqta köp sanni igelligen we april iyidiki toqunushlardin kéyin xili jimip qalghan shiye lerning qözghulang kötürüshige sewep bolushi mumkin .