Aliy mektep püttürgen Uyghur oqughuchilarning köp sandikisi ishsiz qalmaqta


2006-04-05
Share

Yéqinda xitayda élip bérilghan bir qétimliq jem'iyet tekshürüshtin melum bolushiche, hazir xitayda mektep püttürüsh aldidiki aliy mektep oqughuchilirining peqet 8 % i ümütwar bolup, 75% i xizmet tépish mesiliside intayin chüshkün we zor bésim astida qalghan. Kelgüsi turmushqa ishenchi yoq bolghan oqughuchilarning nisbiti 50% tin ashqan.

Chyenwéy isimliq bir xitay oqughuchining melum qilishiche, xizmet tépish hazir nahayiti qayghuluq bir ishqa aylan'ghan. Chünki köp sandiki oqughuchilar ming yaxshi oqughan halettimu xizmet tépishtin awwalqi türlük imtihanlargha qatniship, sansiz jedwellerni toshturup yenila héchqandaq ümütke érishelmigen. Bir qisim oqughuchilar hetta ümütsizlen'genliktin eqlidin adiship dawalanmisa bolmaydighan ehwalgha chüshüp qalghan.

Radi'omizning heqsiz léniyisige kelgen téléfonlardin melum bolushiche, Uyghur élidiki aliy mektep püttürgen oqughuchilarning xizmetke orunlishish mesilisi téximu éghir bolup, bolupmu Uyghur oqughuchilarning xizmet tépish imkaniyiti yoq diyerlik haletke yetken.

Radi'omizning ziyaritini qobul qilghan ismini melum qilishni xalimighan bir aliy mektep kadiri, shinjang dashöning chet'el til fakultétini püttürgen bir Uyghur oqughuchining xizmet izdep barmighan yéri qalmighanliqini hemde barghan yerdikilerning uninggha " renjimeng, biz Uyghurni almaymiz" dep uning iltimasini ret qilghanliqini melum qildi.

Ismini melum qilishni xalimighan bu aliy mektep kadiri hazir Uyghur élidiki aliy mektep püttürgen Uyghur oqughuchilar üchün xizmet tépish heqiqeten bekmu tes bir ishqa aylan'ghanliqini hetta xitay mektipide oqughan Uyghur balliriningmu xizmetke orunlishish pursitige ige bolalmaywatqanliqini hemde özining bu xil halettin intayin narazi ikenligini bildürdi.

Ismini melum qilishni xalimighan bu xizmetchi yene yéqinda Uyghur élige xitayning ichkiri ölkilerdin yene bir türküm aliy mektep püttürgen xitay yashlirini ekilidighanliqini ashkarilap, qattiq nepretlendi.(Méhriban)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet