Iqtisad qanche tiz tereqqi qilsa emgek küchlirige shunche éhtiyajliq turup, néme üchün xitayda ishsizliq mesilisi hel bolmaydu?
2006.08.29
Fransiye agéntliqining 29 - awghust küni béyjingdin xewer qilishiche, xitayda tiz sür'et bilen tereqqi qiliwatqan iqtisad xitaydiki artuq emgek küchlirini özining zawutliri arqiliq 'hezim' qilip kétishi kérek idi. Gerche ' shinxu'a agéntliqi' élan qilghan xewerliride "ötken bir nechche 10 yil ichide her yili 7 milyon 500 kishige xizmet pursiti yaritilip kéliwatidu' dep bayan qilghan bolsimu, emeliyette xitayda iqtisadning ösüshige egiship jem'iyettiki ishsizliq mesilisi hel bolghini yoq. Xitayning uchur wastiliri buyil 6 - aydimu yene "iqtisad 11% östi, yézilardiki ishsizliq nisbiti 4% tin ashmidi"dep élan qildi.
Fransiye agéntliqining rayon xaraktérliq iqtisadiy tereqqiyat tetqiqati buyiche teklip qilghan tetqiqatchisi nikolas kwan ependining tehlil qilishiche, xitayning dölet igilikidiki zawut, shirketliri xelq'arada hedep gülliniwatqan xususiy shirketlerning riqabitige berdashliq bérelmey, özining birmunche zawut-shirketlirini taqiwetti. Uning ishchi-xizmetchiliri ishsizlargha aylandi. Uningdin bashqa yene bir sewep, gerche hazir xitay hökümiti yézilarni tereqqi qildurushqa qol sélishqa bashlighan bolsimu, emma yézilarda ishsiz qalghan déhqanlar yenila her yili milyonlap sheherlerge éqip kiriwatidu. Buningdinmu muhim bir sewep shuki, --- dep bayan qilidu tetqiqatchi nikolas kwan, ---- xitayda nahayiti tiz sür'et bilen tereqqi qilduruliwatqini ali téxnika, emma xitayda uning sür'itige mas kélidighan we shu qeder köp ali téxnka iqtidarigha ige emgek küchi yoq.
Xitay hökümiti hazir Uyghur aptonum rayonida iqtisad nahayiti tiz tereqqi qilduruliwatidu, ishsizliq nisbiti töwenlewatidu, deydu. Emma radi'omizning heqsiz liniyisi arqilq téléfon qilip bizge inkas qilghan Uyghurlarning bayanliri buni inkar qilidu.
Munasiwetlik maqalilar
- Ali mektepte oqughan köpligen oqughuchilar pushayman qilmaqta
- Oqush püttürgen Uyghur oqughuchilarning xizmet tépishi tes bolmaqta
- Aliy mektepni püttürgen oqughuchilarning xizmet tépishi teske chüshmekte
- Xitay we Uyghur élide, ziyalilar heddidin artuq xizmet qilghanliqtin ömri qisqarmaqta
- Bu yil oqush püttürgen Uyghur oqughuchilarning xizmet tépishi teske chüshmekte