Xitayning tereqqiyati Uyghur élini öz ichige alghan her qaysi jaylarda ishsizliq mesilisini téximu éghirlashturmaqta


2006-09-01
Share

Xitay shinxu'a agéntliqi teripidin bérilgen xewerde körsitilishiche, bu yil 6 ‏- aygha qeder xitay iqtisadining tereqqi qilish nisbiti 11% ke yetken. Lékin ishqa orunlishish nisbiti iqtisadning tereqqiy qilishi bilen téximu arqida qalghan. Mesilen xitay da'irining sanliq melumatida éytilishiche, 5". "9 Yilliq pilan jeryanida, dölet ishlepchiqirish omumiy qimmiti yiligha orta hésabta 8. 6% Pirsettin örligen. Ishqa orunlashqanlar sani yiligha 8 milyondin köpeygen ؛ lékin " 10. 5" Yilliq pilanda, dölet ishlepchiqirish omumiy qimmiti yiligha 9. 5% Din örligen bolup, ishqa orunlashqanlarning köpiyishi 7 milyon'gha chüshüp qalghan. Démek "10. 5" Yilliq pilan mezgilidiki ishsizlar sani " 9. 5" Yilliq pilan mezgilidinmu köp bolup, eslidiki ishsizlar sanidin 560 ming köpeygen.

Néme üchün iqtisadning tereqqiy qilishi bilen, ishsizliq mesilisi téximu éghirlishidu? -dégen bu mesilide, türlük analizlar meydan'gha kelmekte. Bir qisim analizchilar " normalda iqtisadning tereqqi qilishi bilen, ishqa orunlishish nésbitimu örlishi kérek idi. Lékin xitaydiki tereqqiyatning aqiwiti téximu köp ademlerni ishsiz qalduruwatidu. Bundaq bolushtiki seweb, xitay iqtisadni tereqqiy qilishta, asasen ékisport qilishqa we chet'el meblighige tayinip qalghan" dep bildürmekte. Yene bir qisim analizchilar, " iqtisadning tereqqy qilishi bilen ishsizliq mesilisining éghirlishishi qurulma jehettiki özgürüshler tüpeylidin kélip chiqqan shundaqla bu xil aqiwetni keltürüp chiqarghan yenila xitayning alahide nopus mesilisi " dep qarimaqta.

En'giliye b b s radi'o téléwiziye shirkitining bu heqtiki melumatliri'ida xitaydiki ishsizliq mesilisi, bolupmu aliy mektep püttürgen oqughuchilarning ishsizliq mesilisi hemmidin éghir ijtima'iy mesilige aylan'ghanliqini alahide otturigha qoyulghan hemde bu xil ijtima'iy mesilining jem'iyetning muqimliqi we tereqqiyatigha zor tesir körsitiwatqanliqi körsitilgen.

En'giliye b b s radi'o téléwiziye shirkiti teripidin bérilgen bu melumatta yene 2003 ‏- yilidin buyan xitayda ishsiz yürgen ali mektep oqughuchilar sanining shiddetlik örlep kétiwatqanliqi shundaqla ishsizlar sanining 2006 ‏- yilining özidila 2 milyon'gha yetkenliki alahide tekitlen'gen.

Munasiwetlik melumatlargha qarighanda, hazir Uyghur élidiki ishsizliq mesilisi yildin yilgha éghirlashmaqta bolupmu aliy mektep püttürgen Uyghur oqughuchilarning ishsizliq mesilisi kishilerning qattiq naraziliqini qozghimaqta. Bir qisim aliy mektep oquwatqan oqughuchilar mektep püttürgendin kéyinla ishsiz yüridighanliqini oylap pushayman qilip mekteptin chékinidighan ehwalmu barghanséri omumlishishqa bashlighan.

Bu heqtiki tepsili melumatlarni, muxbirimiz méhribanning mexsus programmisidin anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet