Уйғурлар қәтий нийәткә кәлсила, өз юртлириниң тоғра намини әслигә кәлтүрәләйду


2007.02.09
Share on WhatsApp
Share on WhatsApp

Тәйвәндә һазир "тоғра нам қоллиниш һәрикити" давамлишиватиду. Б б с ниң хәвәр қилишичә, тәйвәндә алди билән дөләт игиликидики ширкәтләрдин үч чоң ширкәтниң намидики "җуңго" яки "җуңхуа" дегән нам әмәлдин қалдурулған. Тәйвәндики әң чоң ширкәтләрниң бири болған "җуңхуа почтиси" дегән ширкәтниң намидики "җуңхуа" дегән нам әмәлдин қалдурулуп, һазир "тәйвән почтиси" дәп атилишқа башлиған. Буниңдин кейин почта маркилириму "тәйвән" дегән намда бесилидикән. Тәйвәнниң "җуңго нефит ширкити" , җуңго кемисазлиқ ширкити" дегән ширкәтлириму, өз намидики "җуңго" дегәнни әмәлдин қалдуруп, униңға тоғра нам қоллинип "тәйвән нефит ширкити" , "тәйвән кемисазлиқ ширкити" дәп аташқа башлиған.

Тәйвәнниң муавин президенти лү шюлйәнниң ейтишичә, тәйвәндә һәр қандақ орган, җай яки мәхсус намлар йәни чоң қуруқлуқтики "җуңго" дегән ясалма нам арилишип қелип уқум қалаймиқанчилиқи пәйда қилғанлики намлар, мәсилән, тәйвәндики "җуңхуа һава қатниши" дегән намни енгилизчә China Airline дәйдиған, тәйвәндики "мәркизи банка"ни Central bank of China дәйдиған хата намлар пүтүнләй әмәлдин қалдурулуп, униң тоғра нами яки тоғра атилиши әслигә кәлтүрилидикән. Аваз

Биңтуәндә узун йил оқутқучилиқ билән шуғулланған, һазир америкида туруватқан илшат әпәнди тәйвәндә йолға қоюлуватқан "тоғра нам қоллиниш һәрикити" ниң тоғрилиқини, уйғурларму әнәнивий йәр-җай намлирини сақлап қелип, уни әвладларға өз пети қалдуруши лазимлиқини тәкитлиди. Илшат әпәнди йәнә уйғур юртлириниң хитай һөкүмити тәрипидин бормиланған намлирини әмәлдин қалдуруп, тоғра нам қоллиниши тамамән мумкинликиниң пакитлирини көрсәтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.