Uyghurlar qet'iy niyetke kelsila, öz yurtlirining toghra namini eslige keltüreleydu

• Muxbirimiz welining bu heqtiki toluq melumati
• Download story audio

Teywende hazir "toghra nam qollinish herikiti" dawamlishiwatidu. B b s ning xewer qilishiche, teywende aldi bilen dölet igilikidiki shirketlerdin üch chong shirketning namidiki "junggo" yaki "jungxu'a" dégen nam emeldin qaldurulghan. Teywendiki eng chong shirketlerning biri bolghan "jungxu'a pochtisi" dégen shirketning namidiki "jungxu'a" dégen nam emeldin qaldurulup, hazir "teywen pochtisi" dep atilishqa bashlighan. Buningdin kéyin pochta markilirimu "teywen" dégen namda bésilidiken. Teywenning "junggo néfit shirkiti" , junggo kémisazliq shirkiti" dégen shirketlirimu, öz namidiki "junggo" dégenni emeldin qaldurup, uninggha toghra nam qollinip "teywen néfit shirkiti" , "teywen kémisazliq shirkiti" dep atashqa bashlighan.

Teywenning mu'awin prézidénti lü shyulyenning éytishiche, teywende her qandaq organ, jay yaki mexsus namlar yeni chong quruqluqtiki "junggo" dégen yasalma nam ariliship qélip uqum qalaymiqanchiliqi peyda qilghanliki namlar, mesilen, teywendiki "jungxu'a hawa qatnishi" dégen namni én'gilizche China Airline deydighan, teywendiki "merkizi banka"ni Central bank of China deydighan xata namlar pütünley emeldin qaldurulup, uning toghra nami yaki toghra atilishi eslige keltürilidiken. Awaz

Bingtu'ende uzun yil oqutquchiliq bilen shughullan'ghan, hazir amérikida turuwatqan ilshat ependi teywende yolgha qoyuluwatqan "toghra nam qollinish herikiti" ning toghriliqini, Uyghurlarmu en'eniwiy yer-jay namlirini saqlap qélip, uni ewladlargha öz péti qaldurushi lazimliqini tekitlidi. Ilshat ependi yene Uyghur yurtlirining xitay hökümiti teripidin bormilan'ghan namlirini emeldin qaldurup, toghra nam qollinishi tamamen mumkinlikining pakitlirini körsetti.