Xitay mes'uli islam qurultiyi teshkilatini ziyaret qildi

2010-Yili 12-ayda xitay tashqi ishlar ministirliqining mu'awini qarargahi se'udi erebistanining jidde shehiride bolghan xelq'ara islam qurultiyida ziyarette boldi.
Ixtiyariy muxbirimiz ömerjan
2011-01-13
Share
ekmeliddin-ehsan-oghli-xitay-xelq-jumhuriyiti-tashqi-ishlar-ministir-muawini-305.jpg Ekmeliddin éhsan oghli xitay tashqi ishlar ministirining mu'awinini teshkilatning jidde shehiridiki qarargahida kütüwaldi. 2010-Yili dékabir.
RFA/Omerjan
Xelq'ara islam agéntliqining 2010-yili 12-ayning 19-künidiki xewiride mundaq déyilgen: "xelq'ara islam qurultay teshkilatning bash katipi proféssor ekmeliddin éhsan oghli xitay xelq jumhuriyiti tashqi ishlar ministirining mu'awinini teshkilatning jidde shehiridiki qarargahida kütüwaldi. Bu xitay xelq jumhuriyiti mes'ulining xelq'ara islam qurultay teshkilatigha qilghan tunji ziyariti bolup hésablinidu. Xitay xelq jumhuriyiti mes'ulining bu tunji ziyariti bultur 7-ayda islam qurultiyi teshkilatning bash katipi proféssor ekmeliddin oghlining xitayning shinjang we ningsha ölkilirige qilghan resmiy ziyaritining netijisi sanilidu. Ikki terep asiyadiki islam memliketliri bilen xitay xelq jumhuriyiti otturisida iqtisadiy hemkarliqni we afriqa qit'esidiki bezi pilanlarni emelge ashurush toghriliq sözleshti shundaqla xitay bilen islam dunyasi otturisidiki munasiwetni tereqqiy qildurushqa kélishti."

Se'udi erebistanidiki Uyghur ziyaliylirining éytishiche, xitay mes'ullirining xelq'ara islam qurultay teshkilatini ziyaret qilishtiki meqsiti mezkur teshkilatni Uyghurlar mesilisini kökke kötürmeslik üchün qayil qilishqa tirishishtin ibaret bolup, xitay mes'ulliri Uyghurlar mesiliside özlirining yolsizliqlirini aqlash üchün tirishqan. Shundaqla xitay mes'ulliri xelq'ara islam qurultay teshkilatidin “Sherqiy türkistan” sözini qollanmasliqni telep qilghan. Bir tereptin xelq'ara islam qurultiyi teshkilati özining dunyadiki pütün musulman qérindashlarning ghémini yeydighanliqini jakarlighan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet