Хитай даирилири пакистан тәрипидин қайтуруп берилгән исмаил сәмәткә өлүм җазаси иҗра қилди


2007-02-08
Share

Хитай һөкүмити тәрипидин шәрқий түркистан исламий һәрикити әзаси дәп әйибләнгән исмаил сәмәткә берилгән өлүм һөкүми 8‏- феврал күни әттигән саәт 9 да иҗра қилинди. Уйғур паалийәтчиси исмаил сәмәт 2003‏- йили пакистан һөкүмити тәрипидин хитайға тапшуруп берилгән. Хитай даирилири исмаил сәмәтни бөлгүнчи вә террорлуқ паалийәтләргә қатнашқан дәп әйибләп униң үстидин сот ичип, 2005‏ - йили 31‏- өктәбир күни уни өлүм җазасиға һөкүм қилған иди. Хитай сотиниң исмаил сәмәт үстидин чиқарған һөкүми уйғур тәшкилатлири вә хәлқара кишилик һоқуқ тәшкилатлириниң қаттиқ тәнқидигә учриған.

Уйғур тәшкилатлири, хитай һөкүмитиниң исмаил сәмәткә қаратқан әйибләшлирини рәт қилмақта. Уларниң ейтишичә, исмаил сәмәт тинчлиқ билән өз хәлқиниң әркинлики вә азадлиқи үчүн паалийәт елип барған бир җәңчи.

Игиләшләргә қариғанда, өсмүрлүк чағлиридин бери хитай һакимийитигә қарши сиясий паалийәтләргә қатнашқан исмаил сәмәт, 1990‏- йиллири хитай һөкүмити тәрипидин тутулуп түрмигә ташланған вә 1997‏- йили йүз бәргән ғулҗа вәқәсидин кейин, пакистанға қечип чиқип, паалийәтлирини бу дөләттә давамлаштурған.

Мухбиримиз өмәр қанат мәрһум исмаил сәмәтниң өлүм һөкүминиң иҗра қилиниши һәққидә мәрһумниң аяли билән сөһбәт өткүзди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт