Xitay da'iriliri pakistan teripidin qayturup bérilgen isma'il semetke ölüm jazasi ijra qildi


2007-02-08
Share

Xitay hökümiti teripidin sherqiy türkistan islamiy herikiti ezasi dep eyiblen'gen isma'il semetke bérilgen ölüm hökümi 8‏- féwral küni ettigen sa'et 9 da ijra qilindi. Uyghur pa'aliyetchisi isma'il semet 2003‏- yili pakistan hökümiti teripidin xitaygha tapshurup bérilgen. Xitay da'iriliri isma'il semetni bölgünchi we térrorluq pa'aliyetlerge qatnashqan dep eyiblep uning üstidin sot ichip, 2005‏ - yili 31‏- öktebir küni uni ölüm jazasigha höküm qilghan idi. Xitay sotining isma'il semet üstidin chiqarghan hökümi Uyghur teshkilatliri we xelq'ara kishilik hoquq teshkilatlirining qattiq tenqidige uchrighan.

Uyghur teshkilatliri, xitay hökümitining isma'il semetke qaratqan eyibleshlirini ret qilmaqta. Ularning éytishiche, isma'il semet tinchliq bilen öz xelqining erkinliki we azadliqi üchün pa'aliyet élip barghan bir jengchi.

Igileshlerge qarighanda, ösmürlük chaghliridin béri xitay hakimiyitige qarshi siyasiy pa'aliyetlerge qatnashqan isma'il semet, 1990‏- yilliri xitay hökümiti teripidin tutulup türmige tashlan'ghan we 1997‏- yili yüz bergen ghulja weqesidin kéyin, pakistan'gha qéchip chiqip, pa'aliyetlirini bu dölette dawamlashturghan.

Muxbirimiz ömer qanat merhum isma'il semetning ölüm hökümining ijra qilinishi heqqide merhumning ayali bilen söhbet ötküzdi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet