Истанбулда ечилған хәлқаралиқ көргәзмә паалийитигә уйғурларму қатнашти


2007-11-19
Share

Истанбулда ечилған хәлқаралиқ көргәзмә паалийитидин бир көрүнүш. RFA Photo / Arslan

15 - Ноябир түркийиниң истанбул шәһиридики пәсханә йиғин залида ечилған хәлқаралиқ көргәзмә паалийитигә уйғурларму қатнашти. "Түркийиниң көңүл вә тәшәккүрләр җәмийити" тәрипидин орунлаштурулған бу паалийәткә түркийидин вә чәтәлләрдин болуп җәмий 102 аммиви тәшкилат вә хәлқаралиқ җәмиийәтләр иштирак қилди.

Бу йәрдә йәнә охшашла вақитта хәлқаралиқ бир йиғин оюштурулған болуп, йиғинниң ечилиш мәқсити, пәләстин хәлқигә ғәмхорлуқ қилиш, уларға һесдашлиқ билдүрүш болуп, йиғинға, "хәлқаралиқ қуддус учришиши" дәп нам бәргән. Йиғинға тәшкилат рәһбәрлири, доктор, проффессурлар, тәтқиқатчилар, ахбаратчилар вә мохбирларни өз ичигә алған 2000 нәпәр чәтәллик меһманларни өз ичигә алған җәми 10 миңдин артуқ киши қатнашқан. Бу йиғин вә көргәзмә паалийити 15 ‏- ноябирдин 18 ‏- ноябирғичә 4 күн давам қилидикән.

Йиғинға, дуня уйғур қурултийиниң муавин рәиси сийит тумтүрк әпәнди, шәрқий түркистан маарип вә һәмкарлиқ җәмийитиниң иҗраийә рәиси абдулһәкимхан мәхсум тәклип билән қатнашқан.

Биз йиғинға қатнашқан дуня уйғур қурултийиниң муавин рәиси сийит тумтүрк әпәнди билән бу йиғинниң җәряни тоғрисида сөһбәт елип бардуқ, көргәзмигә шәрқий түркистан маарип вә һәмкарлиқ җәмийити тәклип қилинған болуп. У җәмийәтниң мәсуллири уйғурларниң милли кеийм ‏- кичәк, доппа, шәрқий түркистан хәритиси, дөләт бәлгиси вә ай юлтузлуқ көкбайрақни көргәзмигә қойған. Шәрқий түркистан вә уйғурларни тонуштурған уйғур, түрк, ингилиз вә әрәп тиллирида йезилған китаб, журнал, тәшвиқат варақлири, VCD пиластинкиси қатарлиқ материялларни һәқисз тарқатқан.

Биз бу һәқтә мәлумат елиш үчүн шәрқий түркистан маарип вә һәмкарлиқ җәмийитиниң муавин рәси һидайәтулла оғуз әпәндини зиярәт қилдуқ. (Арсилан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт